Verðtrygging ég skil bara ekki rökin:

Ég hlýt að vera tregur ég get bara ekki skilið málflutning manna á borð við Pétur Blöndal sem sjá eingöngu hlið lífeyrissjóða, lífeyrisþega og íbúðarlánasjóðs í tengslum við tímabundið afnám verðtryggingarinnar sem flestir virðast hrópa á. Það getur enginn hafa áætlað að hann fengi allt að 30-40% verðtryggingu ofan á launin/lánin sín miðað við verðbólgumarkmið seðlab. íslands sem gerir ráð fyrir 2,5 % verðbólgu, ekki eru önnur laun verðtryggð nei við skulum éta ofan í okkur þessa hækkun og þegja þar sem ekki má hrófla við "auðvaldinu" Pétur leyfir sér að hlæja að þessu og segja að við sem skuldum skulum ekki hafa neinar áhyggjur af þessu þar sem þetta dreifist á svo langan tíma. Hvað er að ég bara spyr. Krafan er einföld festa verðtrygginguna við 5% og það strax meðan þetta gengur yfir. Ég sé ekki að ríkissjóði verði skotaskuld úr því miðað við hve miklu hefur verið mokað í allskonar fyllerí síðustu ára. Maður spyr sig.

Tótinn  

Fall á fasteignamarkaði - eru menn hissa ?

Fyrir ári síðan kom forsætisráðherra landsins í fjölmiðla og hvatti fólk til að halda að sér höndum í fjárfestingum og þá aðallega í fasteignum. Síðan hefur markaðurinn nánast hrunið með ófyrirsjáanlegum afleiðingum fyrir heimili landsins. Að sjálfsögðu er það ekki svo að forsætisráðherra einn og sér hafi með orðum sínum fellt markaðinn onei.Seðlabankastjóri og svo greiningardeildir gömlu bankanna kepptust við að spá verðinu niður eftir að þeir sjálfir hættu að lána til húsnæðiskaupa. Margir kynnu að segja að fasteignaverð hafi verið orðið alltof hátt en hverjum ber að kenna um það. Kaupendur sem margir hverjir víluðu ekki fyrir sér að bjóða talsvert yfirverð fyrir eignirnar og voru með allt að 100% lánsloforð í höndunum frá gömlu bönkunum hafa sjálfsagt ýtt undir þetta ásamt mörgum öðrum samverkandi þáttum. Það ber líka að líta til þess að mikil fækkun hefur orðið á sölumönnum í stétt "fasteignasala" og gæti það einnig haft áhrif á markaðinn en fyrst og fremst er ástandinu um að kenna, það er skiljanlegt að fólk sé hrætt við að fjárfesta í fasteign miðað við verðbólguhorfur en ég held í ljósi síðustu atburða á fjármálamarkaðnum sé nú sem áður FASTEIGN BESTA FJÁRFESTINGIN.
Höfundur vinnur við sölu fasteigna og hefur gert það síðustu 19 árin og vonast til að geta starfað áfram í greininni og er því væntanlega ekki óhlutdrægur.

Maður spyr sig
Tótinn

Fall á fasteignamarkaði

Sómasamlegt líf ? Hugleiðing um lífið/Kveðja.

Ég er á daprari nótunum í dag þó ég reyni að sjá eitthvað jákvætt í öllu því langar mig til að koma með smá hugleiðingar í "kreppunni". Hvað er sómasamlegt líf eins og oft er klifað á ? Er það að hafa atvinnu: Já./ Er það að geta lifað af venjulegri dagvinnu: Já. /Er það að hafa heilsu: Já. /Er það að eiga fyrir skuldum: Já. /Er það að vera sáttur við Guð almáttugan, sjálfan sig og sína nánustu: Já. /Er það sú hugsun að vakna að morgni og geta sagst ætla að láta eitthvað gott af sér leiða yfir daginn: Já.
Ég þekki fólk sem hefur líklega lítið af ofangreindu og því lifir það væntanlega ekki sómasamlegu lífi ? Ég tel mig enþá lifa sómasamlegu lífi þar sem að ég reyni að lifa eftir ofangreindu þó erfitt sé. Við skulum muna það að það eru margir í dag sem eiga um mjög sárt að binda og hafa ekkert af ofangreindu og hafa um allt aðra hluti að hugsa.
Hugur minn er hjá ungri fjölskyldu sem er mér tengd og er að bera kornungan son sinn til grafar í dag og ætli þau hafi áhyggjur af kreppu ? Nei. /Ætli þeim finnist Guð almáttugur sanngjarn. Nei. /Ætli þeim sé ekki sama um allt argaþras hversdagsins: jú klárlega.
Kæra fjölskylda ykkar er sorgin og samúðin og megi Guð almáttugur vera með ykkur í sorg ykkar.
Við hin: Munum það að sama hvernig árar hjá okkur þá eru örugglega aðrir sem hafa það mun verr og þurfa á huggun að halda.  Hvar er sanngirnin ? maður spyr sig.

Hömlur - hefði líklega aldrei áður mælt þeim bót!

Ég hefði líklega aldrei fyrr tekið undir það að svona hömlur væru ásættanlegar en nú held ég að ekki sé um neitt annað að ræða fyrst farin er sú leið að reyna með öllum hætti að halda í lélega krónu. Líklega hefur ekkert annað verið í stöðunni. Ég hef verið í þeim hópi sem hefur viljað taka upp einhliða einhvern annan gjaldmiðil . Með þessum lögum (eða ólögum) er verið að gera eitthvað til að sporna við ástandinu þó deila megi um ágæti þessa og klárlega verða viðbrögðin blendin. En ég tek hatt minn ofan fyrir því að eitthvað sé að gerast og það í næturvinnu ! totinn

Lög um gjaldeyrismál samþykkt

JÁÁJÁKVÆÐNI !

Var skammaður áðan fyrir að vera forpokaður fýlupúki ! Jú ég tek það á mig og heiti því að leita uppi jákvæðnina í mér sem var þarna einhversstaðar og jú það er svo margt jákvætt að gerast í dag t.d. Hjónaskilnaðir geta ekki orðið þar sem ekki er hægt að selja eign "skiljenda" til að skipta þeim á milli þeirra. Þetta hlýtur að vera jákvætt. Annað jákvætt: Bílaumferðin á götum borgarinnar hefur snarminnkað. Jákvætt: Það hafa fáir lengur efni á að eyða peningum í vitleysu og því minnkar ruslið frá okkur. Jákvætt: Færri fara til útlanda og því minni gróðurhúsaáhrif af flugvélabensíninu.
Jákvætt: Jólin hátíð ljóss og friðar nálgast sem óð fluga og það er frábært
Lífið er yndislegt það er klárt.

Tótinn

 

Af hverju er ég ekki hissa - eitt af óskabörnum þjóðarinnar.

Ég tek það fram að ég er ekki sérfróður um hlutabréfaviðskipti en miðað við það sem á undan er gengið lítur þetta þannig út fyrir mér að þarna eru "guttarnir" sem allt eru að drepa í enn einum leiknum með peningana okkar. Betra hefði verið að þeir hefðu fengið í hendurnar Matadorpeninga til að leika sér með hvor við annan heldur en þessi ósköp. Gaman væri að fá að vita hvað verðbólguverðirnir segja við þessu? væntanlega hafa Lífeyrissjóðirnir OKKAR tapað einhverjum ósköpum í þessari hít eins og hinum. Maður spyr sig.

kv. Tótinn

Milljarða tap hjá Exista

Little trip to Heaven - þvílíkt rangnefni !

Ætti heldur að vera Little trip to Hell ! Ein "lítil" dæmisaga af 2005-2007 syndróminu sem á klárlega eftir að endurtaka sig en í fréttinni er talað um stærstu kröfuhafana hversu margir "litlir" kröfuhafar töpuðu sínum launum sem skiptu þá miklu meira máli en stóru kröfuhafana þeir skipta ekki máli samkvæmt fréttinni. 

maður spyr sig

Tótinn

Little Trip í gjaldþrot

Rannsókn á stjórnendur lífeyrissjóða og það strax.

Ég held að það mætti setja verkalýðsforustuna og stjórnendur lífeyrissjóðanna strax í rannsókn líka þar sem þeir hafa engan áhuga á því að vinna fyrir venjulegt fólk, bara þá sem eiga peningana og hafa sóað (lífeyrissj) í einhverja hít eins og þeir væru í Matador

tótinn  

Víðtækar rannsóknarheimildir

Verðtryggingarverðir þ.e. stjórnendur lífeyrissjóða og verkalýðsfélaga vaknið upp áður en það er of seint og þið verðið þjóðnýttir. !

Nú get ég ekki orða bundist lengur enda ekki þekktur fyrir að liggja á misvitrum skoðunum mínum. Ég var að hlusta á formann landsambands lífeyrissjóða (held ég) Arnar Sigurmundsson áðan og hann eins og aðrir verðtryggingarverðir þessa lands fann allt því til foráttu að frysta verðtrygginguna meðan ósköpin ganga yfir við t.d. 4-5 % þar sem það skekkir myndina fyrir peningaeigendur og lífeyrisþega. Bíðum nú aðeins við: Hverjir eiga lífeyrissjóðina sem þessir snillingar eru búnir að leika sér með eins og matadorpeninga "fyrir okkur auma lífeyriseigendur" jú við: Hverjir greiða í þessa hít sem þessir gæjar hafa nær sjálftöku úr ? Jú við. Hvað gerist ef við skuldarar getum ekki greitt í þessa lífeyrissjóði lengur þar sem við höfum ekki atvinnu né getu til að halda áfram að borga ? jú þeir hafa lögverndaðan rétt til að láta bjóða ofan af okkur eignina sem hvort eð er verður orðin yfirveðsett. Það liggur fyrir að verðbólgan fer í 40% eða meira og lífeyrissjóðurinn fitnar eins og púkinn á fjósbitanum og á hvers kostnað ? jú okkar að sjálfsögðu. Fyrirgefið orðbragðið en því í andsk.... er ekki möguleiki að festa þetta við 4% í ca 8-10 mánuði meðan það versta gengur yfir þið eruð með vexti og þessi verðtrygging er hrein viðbót. Ef þetta gerist ekki sé ég ekki möguleika á að þjóðin geti greitt ykkur laun (eins og þið hafið ekki sjálftöku þar eins og áður) og það er raunveruleg hætta á því að sá sem ekki hefur vinnu, á ekki heimili leiðist út í einhverja skelfilega lausn frá þessu öllu eins og sést hefur upp á síðkastið þ.e. að taka eigið líf og jú þá líklega verðið þið ánægðir því ekki þarf að greiða látnum manni þann lífeyri sem hann hefur greitt samviskusamlega til ykkar. Ég vona að svona sé ástandið ekki en ég hef dæmin fyrir framan mig og ég vil frekar geta lifað sómasamlegu lífi í dag heldur en að eiga von á einhverjum lúsarlífeyri þegar ég verð gamall sem er ekki einu sinni öruggt að ég verði hvort eð er nokkurn tímann. Hundskist til að vinna vinnuna ykkar og það strax það er ekki víst að það verði neinn lífeyrir greiddur í framtíðinni og þá eruð þið líka atvinnulaus eins og við hin verðum örugglega. Verðbólgumarkmið seðlabankans er hvort eð er 1,5-2,5 % og það er sú tala sem þið gátuð reitt ykkur á að þið fengjuð og ekki krónu meira. Þjóðnýtum lífeyrissjóðina og það strax. 

tótinn  

Hver verður hallinn á heimilunum ??

Maður spyr sig.

Yfir 100 milljarða halli á fjárlögum