Verðtrygging ég skil bara ekki rökin:

Ég hlýt að vera tregur ég get bara ekki skilið málflutning manna á borð við Pétur Blöndal sem sjá eingöngu hlið lífeyrissjóða, lífeyrisþega og íbúðarlánasjóðs í tengslum við tímabundið afnám verðtryggingarinnar sem flestir virðast hrópa á. Það getur enginn hafa áætlað að hann fengi allt að 30-40% verðtryggingu ofan á launin/lánin sín miðað við verðbólgumarkmið seðlab. íslands sem gerir ráð fyrir 2,5 % verðbólgu, ekki eru önnur laun verðtryggð nei við skulum éta ofan í okkur þessa hækkun og þegja þar sem ekki má hrófla við "auðvaldinu" Pétur leyfir sér að hlæja að þessu og segja að við sem skuldum skulum ekki hafa neinar áhyggjur af þessu þar sem þetta dreifist á svo langan tíma. Hvað er að ég bara spyr. Krafan er einföld festa verðtrygginguna við 5% og það strax meðan þetta gengur yfir. Ég sé ekki að ríkissjóði verði skotaskuld úr því miðað við hve miklu hefur verið mokað í allskonar fyllerí síðustu ára. Maður spyr sig.

Tótinn  

Athugasemdir

[Jóhannes (IP-tala skráð) 30.11.2008 kl. 11:22]

Jæja,

  Ég skil rökin mjög vel. Laun hafa hækkað gríðarlega mikið undanfarin ár, og miklu meira heldur en verðbólga. Það var bara ekki innistæða fyrir þessum launahækkunum, og einnig eignahækkunum. Það er einfaldlega verið að leiðrétta þetta. Það má reyndar segja að það sé ekki verið að gera neitt þegar verðbætur bætast við lán.

  Eiga lífeyrisþegar, eða skattgreiðendur komandi ára að borga brúsann fyrir eignafólk. Líklega eru um 95 % af verðryggðum lánum fasteignalán, eða önnur veðtryggð lán. Skemmtilegt að það munar bara einu R-i á þessum hugtökum, en þau eru þó svo náskyld í eðli sínu

 Það væri í sjálfu sér hægt að fara hina leiðina og láta nafnverðið falla um 40-50%, ekki er ég samt viss um að fasteignaeigendum hugnaðist það.

  Einnig er fyndið að heyra að fólk tala um afnám verðtrygginar og vísa til raka um að það ekki megi hrófla við "fjármagnseigendum". Aftur á móti myndi nákvæmlega þessi ráðstöfun, þ.e. afnám verðtryggingar koma mörgum fjármagnseigendum mjög vel.

  Nei, mér sýnist þú nú reyndar bara vera að réttlæta slagorðið þitt "fasteign er góð fjárfesting", þ.e. reyna að halda lífi í því uppblásna slagorði

[Þórarinn M Friðgeirsson, 1.12.2008 kl. 09:49]

Jú sæll Jóhannes, ég er ekki að tala um afnám verðtryggingar að eilífu,amen heldur eingöngu að tala um að það megi festa verðtrygginguna við fasta % í þann tíma sem að þessi verðbólgubóla gengur yfir. Ég geri mér fulla grein fyrir því að ekki er séns að afnema verðtrygginguna að fullu að svo komnu máli enda ekki það sem ég hef sagt og ég veit að til þess að svo megi verða þá mun þurfa að hækka vexti á öllum þeim skuldbindingum sem verðtryggðar eru. Ég þarf ekki að réttlæta hugtakið á nokkurn hátt, tölurnar tala sínu málið hingað til en hvað verður í framtíðinni veit ég ekkert um og verði um 40-50 % lækkun á fasteignaverði sem aldrei verður gert með einu pennastriki, jú þá fyrst verða lífeyrissjóðir og íbúðarlánasjóður í vanda því það liggur fyrir að íbúðalán Íb.lánasjóðs og lífeyrissjóðslán eru eingöngu tryggð með veði í eigninni sjálfri og því liggur fyrir að hætti fólk að geta/eða vilja greiða af þeim lánum þá fyrst verður vandi. Kv. Tótinn