Loksins eitthvað svar mæltu heilastur Össur!

Að mínu mati væri glapræði að rjúfa þing og boða til kosninga núna. Össur má eiga það að hann sér þetta líka en að sjálfsögðu á að boða til kosninga á þessu ári í sept eða október og ráðast þangað til að rót vandanst með aðkomu allra sem vettlingi geta valdið. Líklega mun valdasýki Steingríms J. og félaga koma í veg fyrir það en ég minni SJS á að það er ekki búið að telja uppúr kössunum og þrátt fyrir meðbyr í augnablikinu þá á ég eftir að sjá að hann og hans flokkur eigi eftir að fá allt það fylgi sem hann á von á en maður spyr sig...

Viljum ekki stjórnarkreppu

Ég veit ekki hvort ég á að trúa þessu alveg - ekki var hætta á því í fyrravor að neinir peningar væru að tapast !

Ég get ekki að því gert að ég á afskaplega bágt með að trúa þessum orðum en að sjálfsögðu vona ég að þetta sé hárrétt og að bankarnir séu að setja í gang áætlun þar sem farið verður í að koma hjólum atvinnulífsins í gang. Ég er einn af þeim sem er orðinn atvinnulaus í fyrsta skipti á ævinni frá því ég byrjaði að salta í pakka í gamla daga rétt átta ára gamall, tilhugsunin er hreint skelfileg og það sem er skelfilegast er að það er ekkert sem bendir til þess að ástandið hvað varðar rekstur fyrirtækjanna í landinu sé að lagast en mikið vona ég að ég hafi rangt fyrir mér í þessum efnum en maður spyr sig á þessum tímum. kv. Tótinn

Enginn af nýju bönkunum að falla

Hvað segir svona okkur ?? Jú mótmælin snúast um allt annað en pólitík ?

Svona hottintottar sem láta sér detta í hug að Lögreglan sé í stríði við þessa ofbeldisseggi segir allt sem segja þarf um þessa dela. AÐ persónugera lögreglumennina á þennan hátt sem eru eingöngu að vinna vinnuna sína og hafa hingað til tekið silkihönskum á þessum mótmælendum er fyrir neðan allar hellur. Hvert er þetta þjóðfélag að stefna er nema von að maður spyrji sig. kv. Tótinn

Nafnbirtingin grafalvarlegt mál

Margt hefur verið gert - en megum við fá að vita það kæri Geir !

Ég er á því að jú það hefur örugglega eitthvað verið gert ??? Ég veit að bankarnir eru opnir og jú það er búið að taka fullt af peningum að láni sem má ekki nota. Það er búið að reka fullt af þeim sem bera ábyrgðina og handtaka fullt af útrásarvíkingum, nei það er víst ekkert búið að gera í því. Ég vil bara fá að vita hvað sé í gangi: Á að reyna að leggja einhverja peninga í fyrirtæki landsins ? Á að reyna að vinna bug á atvinnuleysinu með einhverri innspýtingu frá ríkinu? Á einhver að taka pokann sinn ? Er ALVÖRURANNSÓKN í gangi á því hvort stórar fjárhæðir hafi verið færðar á reikning hinna útvöldu eða er um eitthvað yfirklór að ræða ? Á að lækka stýrivexti ? Á að reyna að tryggja það að þorri landsmanna sem virðast vera að missa heimili sín hafi tök á að halda þeim? Á að tryggja það með einhverjum hætti að þegnar landsins verði ekki bundnir í skuldaklafa alla sína ævi fyrir skuldum sem þeir stofnuðu ekki til . Þessar og fjölmargar aðrar spurningar dynja á okkur þessa dagana og það væri ágætt ef einhver myndi nú upplýsa stöðuna ??? Maður spyr sig . Tótinn

Margvíslegar aðgerðir stjórnvalda

Ekki hef ég trú á að þessir kumpánar leysi vandann !

Ég bið alla góða vætti að blessa þjóðina ef þessir tveir "óróaseggir" ætla að fara að reyna að leysa bráðavanda þann sem búið er að koma okkur í. Það er mín skoðun og einhverra fleiri að hjá VG sé það orðin "Mission" að komast í forsæti að þeir muni gera allt til að svo geti orðið. Ég sá formann VG í gær ásamt forsætisráðherra og ég get bara ekki séð að hann sé með neinar lausnir aðrar en að skipta öllum út og sjálfum sér inná. Hann vill ekki í EsB. Hann vill ekki lánið frá IMF og hvað á þá að gera. Maður spyr sig.

Ögmundur hitti Össur

Ég fordæmi svona ofbeldi - þeir sem því beita ættu að skammast sín !

Ég er örugglega í jafndjúpum skít eins og fjöldi mótmælenda og örugglega stór hluti lögreglumanna sem saklausir eru fórnarlömb nokkurra ofbeldisseggja sem nota sér friðsöm lögleg mótmæli til að fá útrás fyrir kvalalosta sinn. Mótmælum sem aldrei fyrr en í þetta sinn ættum við að fara að mótmæla ofbeldi hluta mótmælenda verum með hávaða og læti en látum ofbeldið eiga sig. Þetta atferli er komið langt út fyrir það sem lagt var upp með. Ég er snarbrjálaður yfir því hvernig nokkrir glæframenn hafa farið með okkur, ég er hundpirraður yfir því að enginn skuli hafa tekið ábyrgð og ég vil að kosið verði aftur en í guðanna bænum gefum þeim sem stjórna sanngjarnan frið til að klára það sem þeir geta fram að því að kosið verður. Ég er brjálaður yfir því að við fáum ekkert að vita um hvað er verið að gera. Ég skil ekki að það skuli ekki vera búið að handtaka nokkurn mann og henda bak við lás og slá meðan verið er að rannsaka málin. Ég skil hinsvegar að það getur verið að ekki sé mögulegt að gefa allar upplýsingar um rannsókn mála á viðkvæmu stigi en það má upplýsa okkur miklu betur en gert hefur verið. Ég er sannfærður um að á næstu dögum verði einhverjir látnir fjúka til að friða lýðinn en hvort það verði einhver sem raunverulega ætti að sæta ábyrgð er ég ekki endilega viss um en maður spyr sig. Kv. Tótinn

Táragasi beitt á Austurvelli

Ef ekki á að kjósa nú þá er bara að hysja uppumsig margumtalaðar buxur, bretta upp ermarnar og fara að gera eitthvað og það strax.

Ég er þeirra skoðunar að þá þurfa menn að þora, þora að veifa puttanum í allar áttir og segja þessum frænd og vinaþjóðum okkar að því miður munum við ekki geta borgað þetta fokking útrásarævintýri nokkurra vitleysinga og ef alþjóðasamfélagið segir okkur að þá fáum við engan pening þá það, ég sé ekki að það sé betra að veðsetja börnin og barnabörnin næstu áratugina fyrir skuldum sem við ráðum ekki við að borga, við þurfum þá að finna aðra #vini# Við áttum ágætisviðskiptasamband við rússana hér áður fyrr og af hverju getum við það ekki aftur. Þjóðin er búin að fá uppí kok á þessu rugli og ekkert annað er fyrirsjáanlegt en að það þarf að stinga við fótum og láta ekki taka okkur í ....... nei nú þarf ég að passa mig. Nei ekkert helv. Esb kjaftæði, hvert á þá að fara að mótmæla til Brussel heldur fólk virkilega að við höfum einhver áhrif í því reglugerðarbákni nei ekki hin minnstu. En maður spyr sig.

Ekki á kosningabuxunum

Er formaðurinn á sama máli ??????

Alveg er það með ólíkindum að um leið og yfirhænan yfirgefur hænsnakofann þá belgir haninn sig út og gasprar í allar áttir eins og sá sem valdið hefur ??? ISG komin í veikindaleyfi og þá kemur ÁOÁ í fjölmiðla og ákveður að  nú sé sviðið hans. Ég get alveg verið sammála um að það skal kjósa en þetta er ekki trúverðugt það verð ég að segja en maður spyr sig. KV. Tótinn

Óhjákvæmilegt að kjósa í vor

Getur verið að stjórnin sé að gefast upp er upplausn!

Kannski er bara búið að færa þingfundi eitthvað annað til að villa um fyrir mótmælendum ? Kannski er stjórnin bara alvarlega farin að hugsa um að segja af sér ??? Maður spyr sig.

Þingfundur fellur niður

Og hvað er gert í stöðunni ? Ekki nokkur skapaður hlutur.

Er von að maður spyrji sig hvort ekki þurfi nýja stjórn og nýja forystu. Þetta vesalings fólk sem situr í forsvari er BARA ENGAN VEGIN AÐ RÁÐA VIÐ VANDANN. Atvinnuleysistölur eru hrikalegar og hræddur er ég um að þetta sé bara byrjunin því miður. Eru eiinhverjir aðrir betur til þess fallnir að leysa vandann?? Það vitum við ekki öðruvísi en að láta reyna á það. Mér er skapi næst að fara og lemja mann og annan en ég er bara ekki þannig gerður en það eitt að mér skuli detta það í hug hlýtur að segja mér að ástandið er ekki eðlilegt. Hvað hefur áunnist eftir hrunið ??? Jú það sem hefur áunnist er að hvert mannsbarn á Íslandi skuldar miklu meira en mig langar að nefna. Jú bankarnir hafa ekki lokað en eru þeir að lána eitthvað það held ég ekki og er þá eitthvað gagn í því að hafa opið ? Jú forsætisráðherra er rígmontinn yfir því að við getum ennþá notað kortið okkar en hvaða gagn er í því ef ekkert er inná kortinu maður spyr sig. Tótinn

Yfir 12.100 án atvinnu