Matarhlé - er það málið ?

Ég get ekki að því gert að mér finnst eins og alþjóðasamfélagið sé haft að fíflum með þessu "vopnahléi" . Drápin halda svo bara áfram eftir matinn eins og ekkert hafi í skorist. Allt er þetta gert í "skjóli" USA þeir vilja ekki fordæma þetta á neinn hátt eða beita sér gegn Ísraelsmönnum enda ekkert að sækja hjá Palestínumönnum hvorki olía, gull eða neitt sem þeim kemur til góða, ég er ekki að taka afstöðu með palestínumönnum en mér finnst þetta svona Davíð og Golíat syndrome en maður spyr sig. kv. Tótinn

Hlé gert á árásum á Gaza

Áttu baugsmenn ekki hlut í þessari ??

Ég get ekki að því gert að ég varð ekkert smá hissa á því að ekki væri hægt að tengja baugsmenn við eignaraðild að þessari keðju. Ég hef varla lesið frétt síðustu mánuðina af erfiðleikum hjá breskum búðum án þess að Baugur hafi átt eitthvað í þeim eða á einhvern hátt tengdir? Maður spyr sig. KV. Tótinn

Woolworths endanlega gjaldþrota

Einn minnisvarðinn ennþá - eða bara stóra gröfin ?????

Ég veit það ekki hvort þetta sé akkurat það sem vantar núna, nóg til af óseldu húsnæði um allan bæ kannski þetta eigi að verða minnisvarði um Jóhönnu eða þá ein stór gröf til að grafa kosningaloforðin og allt það sukk sem þarf að stinga undir stól. Jóhanna á reyndar ein af þessu liði minnst skilið að á hana sé deilt en hún er hluti af batteríinu en maður spyr sig. Kv. Tótinn

Jóhanna tekur fyrstu skóflustunguna

Sýnist ekki veita af því að vita hverju er sprautað ??

Ég held að það væri í lagi að koma með leiðbeiningar til mótmælenda hvað þeim beri að gera þegar búið er að úða á þá, það er spurning um að apótekin gætu sett saman svona "startkit" því ég hef grun um að við höfum ekki séð nema byrjunina en maður spyr sig. Kv. Tótinn

Spyrja um efni í lögreglugasi

Friðarsúlan - eitthvert versta rangnefni sem sést hefur !

Frá því að kveikt var á friðarsúlunni hefur staðan verið síversnandi sjáum borgina, frá því að Villi gamli söng fyrir alþjóð hefur verið skipt um stjórn borgarinnar allavegna 2svar, bankarnir fóru til helv. Atvinnuleysið er sem aldrei fyrr, þjóðin er klofin, útrásarvíkingarnir eru farnir flestir úr landi að sögn með fullar hendur fjár. Orkuveitan, rei, eimskip, exista og hvað þetta allt heitir í vondum málum. Nei ég held að súlufjandinn orsaki þetta allt saman en maður spyr sig. Slökkvum á henni og það strax. Mikið var nú gott að finna loksins einhvern blóraböggul fyrir þessu öllu saman. Hjúkkit....... Kv. Tótinn

Friðarsúlan hlaut bronsið

Flott nú hlýtur verðið að lækka á veiðileyfum ! ?????

Nú verður engin samkeppni frá bönkunum um þessar ofurdýru laxveiði og þá ætti að vera lag að bjóða sauðsvörtum almúganum að kaupa þetta á eðlilegu verði. Ég er reyndar sjálfur svo óþolinmóður að ég nenni ekki þessu hangsi með stöng í einhverjum polli eða á og ef það mætti henda út einum netastubbi þá væri ég til en það má víst ekki. Líklega verður hægt að fá veiðileyfi í dýrustu ánum á ca 70 þ. kall daginn eftir að bankarnir eru hættir að kaupa en ætli það skipti þá einhverju máli fyrir venjulegan launamann eða atvinnuleysisbótaþega við höfum væntanlega hvort eð er ekki efni á þessu  en maður spyr sig. kv. Tótinn

Kaupa engin veiðileyfi

Fréttablaðið að fara á hausinn ????

Það sér það hver maður að batterí eins og fréttablaðið getur ekki gengið í svona árferði með ört minnkandi auglýsingatekjum. Það er því spurning hvort það verði ekki að vikublaði? Ég er nú hræddur um að við höfum ekki séð það versta ennþá. Hvað með Moggann, DV, og öll hin blöðin, þau fá að vísu áskriftargjöld þeirra sem enn geta greitt en það dugar varla fyrir kostnaði held ég ? Skjár einn hefur líka verið í vandræðum, 365 í endalausri naflaskoðun. Það er spurning hvort RúV ohf verði orðið eini aðilinn á markaðnum í lok ársins? ég vona svo sannarlega ekki en maður spyr sig. Tótinn

Útgáfudögum Fréttablaðsins fækkað

Bjarni Ármannsson skúrkur eða bara sannur íslendingur ?

Ég hlustaði á auðmjúkan Bjarna Ármannsson í Kastljósi gærkvöldsins og það er alveg ljóst að þessi holdgerfingur ofurlaunanna hefur áhyggjur af ástandinu, svo miklar áhyggjur að hann hefur endurgreitt 370 millj. af ca 7100 milljónum sem hann hagnaðist á bankanum (að sagt er) nú þekki ég manninn ekki nokkurn skapaðan hlut, hann kemur ágætlega fyrir og virðist þokkalega heill í sínum málflutningi  en hvorki það né takmörkuð yfirbót hans í þættinum í gær breytir þeirri staðreynd að hann var einn af frumkvöðlunum í því að búa til þetta "ofurlaunakerfi" eða eigum við að kalla það réttu nafni: ofurgræðgislaunakerfið því það er alveg ljóst að þeir einstaklingar sem lofaðir voru sem fjármálasnillingar og tóku sér laun samkvæmt því voru ekkert annað en fjárhættuspilarar og sukkarar sem ólíkt venjulegum fjárhættuspilurum stálu fé almennings og léku sér með það sem sitt eigið og hver þeirra ber ábyrgð ? Jú enginn að eigin sögn þetta voru utanaðkomandi áhrif. Íbúðarlánasjóði kennt um hækkun fasteignaverðs, hruni banka í útlöndum kennt um, óhagstæðu gengi, stærð hagkerfisins og svo framvegis. Ég blæs á svona bull. Hafi þeir verið það miklir snillingar að réttlætt gæti þessi ofurlaun þá áttu þeir að geta séð þetta fyrir og stoppa helv. sukkið en maður spyr sig. Totinn

Ég hef alltaf sagt það GOLF er stórhættuleg íþrótt.

Maður spyr sig hvort að þetta verði ekki til þess að fækka þeim sem stunda golf. Nei líklega ekki en það er líklega réttast að banna þessa "brauðristardrivera" Snúa aftur í gömlu góðu trékylfurnar ?? líklega verður það ekki gert og líkast til munu framleiðendur breyta þessum stóru títaníum kylfum eitthvað ??Kv. Tótinn

Getur golf valdið heyrnarskaða?

En að kaupa eign á Íslandi Beckham nóg til á fínu verði.

Ég held að hann ætti að spara sér þetta og fjárfesta í stórasta og besta landi í heimi. Nóg til af fínum eignum handa þeim hjónum hér á landi og jafnvel getur hann keypt heilu turnana fyrir þennan pening. En ætli hann vilji koma hingað  maður spyr sig. Tótinn

Beckham í fasteignahugleiðingum