Ronaldo á Ferrari og Van der saar á Bentley ???

Hvað er engin kreppa í Englandi??? Skyldi Ferraiinn vera skemmdur? Maður spyr sig. Kv. Tótinn

Ronaldo ómeiddur eftir umferðarslys

Og heyrist eitthvað frá "ráðamönnum" þjóðarinnar ???

Nei ekki hósti né stuna enda kunna þau engin ráð við þessu, þetta er að ég held bara byrjunin. Niðurskurðarhnífurinn í boði IMF er hátt á lofti og engin úrræði til. Maður spyr sig .kv. Tótinn

Yfir 10 þúsund án atvinnu

Úps einhver að setja upp Sprotafyrirtæki ???

Eru ekki svona lampar aðalatriðið þegar kemur að því að setja upp kannabisplönturæktun (svona sprotafyrirtæki) spyr sá sem ekki veit ??????

21 gróðurhúsalampa stolið

Skyldi þessi sama sekúnda hafa orsakað skammhlaupið í huga Ármannssonar ?

Ég hallast helst að því að þessi hlaupasekúnda sem gerði þennan líka uslann fyrir austan hafi orsakað skammhlaupið í huga B. Ármannssonar þannig að hann greiddi að sögn Agnesar Braga 119 millj. til baka af 7100 millj. sem hann fékk frá Glitni ? Verst að þessari sömu sekúndu skildi ekki ljóstra niður í huga fleiri en það gæti hafa gerst, árið er rétt að byrja. Maður spyr sig. Kv. Tótinn 

Hlaupsekúnda olli rafmagnsleysi

6.okt. 2008 höfum við gengið til góðs eftir Guð blessi Ísland ???

Ég hef verið að velta fyrir mér hvað hafi breyst á hinu NÝJA ÍSLANDI eftir að Geir bað guð að blessa land og þjóð. Ég hef reynt að horfa á þetta opnum augum og hlustað á hverja skrauthúfuna eftir aðra lýsa yfir að nú stæðum við frammi fyrir betra Íslandi, opnara Íslandi þar sem allt væri uppi á borðum. Ég get ekki séð að nokkuð hafi breyst í þá veruna. FME neitar að sýna skýrslur sem hugsanlega varpa ljósi á stöðuna af einhverju leiti. Davíð neitar að upplýsa um ástæður hryðjuverkalaganna og segist hafa varað við þessu í mörg ár. Geir og Ingibjörg sem bæði lýstu því yfir að við yrðum ekki kúguð til hlýðni af alþjóðasamfélaginu eru búin að bakka með allt og læðast um með skottið á milli lappanna og hafa engar lausnir nema að hugleiða það að sækja um í ESB. Atvinnuleysið er sem aldrei fyrr og þeir sem hafa vinnu verða að sæta mikilli launa og kaupmáttarskerðingu. Fasteignamarkaðurinn þar sem ég starfa er steindauður, byggingageirinn er hruninn þar sem ekki fæst fjármagn í að halda áfram með þau verk sem þegar var byrjað á (enda er spurning hvað á að gera með að byggja eitthvað sem ekki selst hvort eð er ??) Verslanir landsins eru að komast í djúpan skít og má búast við miklum samdrætti þar líka. Bílasala er lítil sem engin. Spítölum er lokað hverjum á fætur öðrum og meira að segja vínbúðum verður lokað allavegna einhverjum. HVAÐ HEFUR ÁUNNIST EFTIR GUÐ BLESSI ÍSLAND:  Jú Ingibjörg og Geir stæra sig af því að hafa haldið bönkunum gangandi sem ekki var sjálfgefið að þeirra sögn og því getum við haldið áfram að nota kreditkortin okkar, Pétur Blöndal segir að sparnaður fólks muni aukast sem sé gott en ég spyr hvernig á sá sem er að missa húsið sitt, bílinn sinn og vinnuna sína að spara ? Steingrímur heimtar kosningar því hann vill fara að fá feitu embættin sem enginn hefur hingað til viljað fá hann í ! Gulli heilbrigðisráðherra gengur um með niðurskurðarhnífinn sem aldrei fyrr. Lífeyrissjóðaforstjórar og stjórnarmenn eru búnir að draga aðeins úr ofurlaunum sínum til að slá ryki í augu okkar sem eigum peninga í sjóðunum peninga sem þeir eru búnir að rýra með gengdarlausu fjármálasukki. Ef þetta er að ganga til góðs þá heiti ég Alex Ferguson. Mikið djöfulli er ég orðinn pirraður á þessu svo pirraður að ég er að spá í að fara að mótmæla og ég er svo sammála honum Gunnari( minnir að hann heiti það) sem skrifaði svo snilldarlega "helvítis fokking fokk" betri lýsingu á ástandinu hef ég ekki séð og það er spurning hvort í þessum orðum felist heildarlausn á vandanum ? Maður spyr sig. Tótinn

Góður leikur United dugði ekki til - nei smá grín bara ???????

Shit happens. Frábær sigur Derby á pirruðu og slöku liði United í kvöld. EN því miður er seinni leikurinn eftir á leikhúsi martraðanna en kraftaverkin geta gerst. Er sörinn að missa tökin maður spyr sig. Kv. Tótinn

Derby með frækinn sigur á Man.Utd

Hehehe frábært flokkur sem telur örfáa getur ekki einu sinni haldið flokksþing í friði.

Ég get ekki að því gert að vesalings Frammararnir eru nú sem endranær sem höfuðlaus her og ekki er einu sinni hægt að halda flokksþing eða hvað þeir kalla þessar uppákomur hjá sér án þess að það logi allt í illdeilum. Er þetta flokkurinn sem þið ætlið að koma til valda við næstu kosningar ég bara spyr og ég skal svara þessu fyrir mína hönd og annara vandamanna: NEI takk fyrir túkall. En mikið er nú gaman að fylgjast með þessum sirkus. Kv. Tótinn

Fjandsamleg yfirtaka

Er leigð út aðstaða til knattspyrnuiðkunar þarna -ég pant vera á kvöldin !

Frábær hugmynd hjá þessu fólki, Landsbankadeildin loksins réttnefni. Veit einhver hvernig leikurinn fór ??? Ég er að smala saman góðum hópi og við viljum fá 1/2 tíu tímann á mánudögum, miðviku og föstudögum. Væntanlega má taka með sér smá pening í poka þegar leikurinn er búinn en maður spyr sig. Kv. Tótinn

Spiluðu knattspyrnu í bankanum

Skyldi vera búið að blása af Hátæknisjúkrahúsið ???

Nú hef ég ekki bara fylgst nógu vel með í öllu argaþrasinu hefur það farið fram hjá mér hvort búið sé að slá útaf borðinu Hátæknisjúkrahúsinu sem til stóð að byggja ? Er svo komið fyrir okkur að liggi maður fyrir dauðanum á sjúkrahúsi (sem reyndar kostar skilst mér 6000 kall bara að vera sendur þangað) og þurfi bráðnauðsynlega á neyðaruppskurði til að bjarga lífi manns þá verður maður látinn kvitta uppá skuldaviðurkenningu fyrir aðgerðinni eða renna kortinu í gegn um posann til að þetta verði gert. Ég spyr þá bara hvað ef ekkert er inná kortinu verður maður þá ekki skorinn upp ??? Er þetta hið "Nýja Ísland"? er nema von að maður spyrji sig.  Kv. Tótinn

Hagræðing um 1,3 milljarða

Og veiða nú sem aldrei fyrr - vonandi ekki sýking í loðnunni.

Er ekki réttast að senda allan flotann hverju nafni sem hann nefnist í að veiða nú loðnuna áður en hún týnist aftur, ekki veitir af eins og staðan er á þjóðarbúinu en maður spyr sig kv. Tótinn

Öll fiskiskipin hafa fundið loðnu