Hver vill fara frá besta liðinu auðvitað vill hann ekki fara !

Það segir sig sjálft að Pennant vill alls ekki yfirgefa besta liðið í englandi í dag þegar von er á allavegna tveimur titlum í vor Liverpool vinnur Ensku deildina og annaðhvort meistaradeildina eða FA bikarinn ég er ekki alveg búinn að gera það upp við mig. Pennant vill staldra aðeins við og fá þessa titla í safnið áður en hann heldur á vit nýrra ævintýra. Ég verð víst að viðurkenna það ef það skyldi hafa farið fram hjá einhverjum að ég er Poolari.................... Kv. Tótinn

Pennant vill ekki fara frá Liverpool

Erum við ekki ennþá á lista hinna staðföstu þjóða ??

Erum við ekki sjálfkrafa með því búin að skrifa uppá að við styðjum stríð gegn hvaða ríki sem er ?? Ég verð að viðurkenna það að ég hef ekki hundsvit á út á hvað þetta gengur en mikið sýnist mér þetta snúast um það sama og venjulega það er trú á Guð, jésú, allah og eða múhammed spámann. Kannski er þetta bara hrein og klár slátrun en sjaldan veldur nú einn þá tveir deila þannig að líklega eiga palestínumenn einhverja sök á þessu en maður spyr sig. Kv. tótinn

Heimsókn Ísraela til Íslands afþökkuð

Á von á sömu úrslitum í ár og í fyrra á REEBOOK united gerir í brók?

Ég var staddur á reebook í fyrra /reyndar var það í lok árs 2007 og var yfirlýst markmið yfirmanna minna sem auðvitað halda með united að nú værum við að fá að sjá United slátra Bolton sem voru í tómu ströggli þarna en þetta var leikurinn þar sem að Boltonmenn gjörsigruðu arfaslakt lið United 1-0 með frábæru marki frá Anelka. Förin var sneypuför fyrir unitedmennina í hópnum en þvílík hamingja fyrir okkur hin sem leggjum ekki lag okkar við united.  Ég ætla reyndar að fara varlega í að spá united sigri því að ég hef alltaf rangt fyrir mér þannig að ég ætla að  spá manutd stórsigri svona 1-0 með sjálfsmarki frá Kevin Nolan ?? Að sjálfsögðu vona ég að spá mín gangi ekki eftir nú frekar en endranær. Kv. Tótinn

Meiðslavandræði hjá ensku meisturunum

Flott hjá ykkur nú erum við loksins að tala saman !

Ríkisstjórnin er loksins að sýna okkur smáviðbrögð eftir að hrópað hefur verið úr hverju horni á aðgerðir. Þetta er líklega réttast í stöðunni, við verðum að reyna að spýta í lófana og framleiða sem aldrei fyrr hverju nafni sem það nefnist.  Ég tek ofan hatt minn fyrir þér Einar K. Nú þarf að gefa kvóta á loðnuna líka. Næst viljum við sjá að einhverjir verði látnir axla ábyrgð á gjörðum sínum eða aðgerðaleysi. EN ég fagna þessu skrefi og vonandi eigum við eftir að sjá mörg skref frammávið á næstu vikum en maður spyr sig er nóg að gert ???? kv. tótinn

Þorskkvóti aukinn

Trúir þú að ríkisstjórnin sé að gera allt sem í hennar valdi stendur til að bæta hag landsins?

Svona spyrja drengirnir í Reykjavík síðdegis í könnun í dag. Ég vil fá að gera grein fyrir atkvæði mínu. Ég trúi því að ríkisstjórnin sé að gera allt sem hún getur í sínu TAKMARKAÐA valdi til að bæta hag einhverra landsmanna.  Ég held að það væri sama hvaða skrauthúfa yrði sett niður á alþingi í forsæti væri í skítamálum með að leysa þennan gífurlega vanda sem við blasir. Kannski væri möguleiki á að setja dæmið fram þannig: Telur þú að ríkisstjórnin ráði við þennan vanda sem við blasir eða þurfum við að kalla á utanaðkomandi sérfræðinga til að hjálpa okkur og ráðleggja ? Hér er staðan allt önnur ég segi Nei við því að ríkisstjórnin ein og sér ráði við þetta og Já við því að fá til ráðgjafar helstu sérfræðinga þjóðarinnar sem hafa verið að tjá sig um einhliða upptöku nýs gjaldmiðils og hvernig við best leysum málin. Við höfum séð hvern snillinginn koma í fjölmiðla á fætur öðrum með lausnir. Nú á að setja alþingismenn, Ráðherra og okkar fremstu snillinga saman inn í læstan sal með vistir og skipa þeim að leysa þetta í eitt skipti fyrir öll og koma ekki út fyrr en lausn er fundin OG TILKYNNA OKKUR SVO HVAÐ Á AÐ GERA. Þetta er það sem við kusum þau til að gera. EF ÞETTA GENGUR EKKI Á EINNI VIKU EÐA SVO þá eiga ÞAU AÐ BOÐA TIL KOSNINGA STRAX TIL AÐ HLEYPA ÞEIM AÐ SEM TELJA SIG GETA LEYST ÞETTA.

Flott framtak, einhver þarf að taka upp hanskann fyrir heimilin.

Eins og rætt hefur verið margoft á að gera allt sem unnt er til að halda fyrirtækjunum gangandi en miðað við hve efndirnar hafa verið litlar og úrræðin fá er snúa að heimilunum þá liggur það fyrir að þörf er á samtökum sem berjast fyrir heimilin í landinu. Ég er alls ekki búinn að gefa það uppá bátinn að eitthvað það verði gert sem gerir þeim sem eru orðnir atvinnulausir (eða geta ekki af öðrum örsökum greitt af lánum)kleyft að búa á heimilum sínum meðan það versta gengur yfir en svona samtök geta ekkert annað en hjálpað til að þrýsta á stjórnvöld um að svo verði. Að sjálfsögðu vonast ég til að þetta ástand gangi fljótt yfir en það er eins og annað um það er vonlaust að spá og hugsanlega höfum við ekki séð það versta ennþá. kv. Tótinn

Stofnfundur Samtaka heimilanna

Þetta er sending frá Yfirvaldinu

Ekki er að undrast þessa hækkun, þetta er hluti af ráðstöfun ríkisstjórnar vorrar vegna ICESAVE dellunnar og IMF lánsins og hvað þetta heitir allt saman, ég er búinn að segja álit mitt á þessu rugli og ég segi bara aftur, ekki borga Icesave, Ekki ganga í Esb, það verður að hafa sig þó allir verði í fýlu við okkur í nokkur ár, við lifum þá á því sem við eigum. KV. Tótinn.

Verð á eldsneyti hækkar

Reykleysi í 3.daga - helv. fokkk............

Allt að gerast , reyklaus síðan á mánudaginn og allur pakkinn tekinn út í einu, pirringur,skapvonska, geðsveiflur, þunglyndi, þvermóðska, þreyta, svefnsýki, átþörf (ekki látið undan henni) sviti og allt heila klabbið. Sýg í nösina fokking nefúðann, þetta verður sjálfsagt meiri fíkn en tóbakið en breytingin á manni á fjórða degi jésús minn, lyktarskinið er öflugra, litur í kinnum, blóð streymir í allar útlimi sem aldrei fyrr. Skipaði eiginkonunni (sáuð þið þetta skipaði) að þvo öll fötin mín því það er VOND LYKT AF ÞEIM ÖLLUM og hún þessi elska hlýðir í einu og öllu.  Lenti við hliðina á Reykingamanni í ræktinni í gær, þurfti að færa mig lyktin af gæjanum. Sef betur á nóttunni og lengur. ÞETTA ÆTTU ALLIR REYKINGAMENN AÐ PRÓFA þetta er æði....... KV. Tótinn

Frábært meiri lán -hvernig á að borga þetta ?

Manni hefur verið kennt í gegnum tíðina að reyna að taka ekki á sig meiri skuldbindingar en maður ræður við að borga. Það er spurning hvort einhver er að setja á okkur meiri skuldbindingar en við ráðum við að borga ????? Maður spyr sig allavegna. Kv. Tótinn

Svíar vilja lána Íslandi

Á ekki að láta þetta standa eins og það er sem víti til varnaðar.

Ég veit það ekki en ég held að það sé spurning hvort ekki væri ráð að láta þessar byggingar sem ekki verður hægt að klára sökum fjárleysis standa óhreifðar og jafnvel hengja skilti með upplýsingum um hvað hafi gerst hér 2006-2008 þegar Ísland fór á hausinn ? Það er spurning hvort ekki ætti að hengja upp myndir af víkingum landsins sem viðvörun um hvernig eigi ekki að gera hlutina og mynd af öllum forsvarsmönnum landsins með áletruninni: VIÐ SVÁFUM Á VERÐINUM: Þannig sé ég hlutina en hvað veit ég svo sem maður spyr sig. Kv. Tótinn. EITT VEIT ÉG ÞÓ og það er að við höfum ekkert að gera í ESB að svo stöddu.........

Táknmynd góðæris eða kreppu