Fall á fasteignamarkaði - eru menn hissa ?

Fyrir ári síðan kom forsætisráðherra landsins í fjölmiðla og hvatti fólk til að halda að sér höndum í fjárfestingum og þá aðallega í fasteignum. Síðan hefur markaðurinn nánast hrunið með ófyrirsjáanlegum afleiðingum fyrir heimili landsins. Að sjálfsögðu er það ekki svo að forsætisráðherra einn og sér hafi með orðum sínum fellt markaðinn onei.Seðlabankastjóri og svo greiningardeildir gömlu bankanna kepptust við að spá verðinu niður eftir að þeir sjálfir hættu að lána til húsnæðiskaupa. Margir kynnu að segja að fasteignaverð hafi verið orðið alltof hátt en hverjum ber að kenna um það. Kaupendur sem margir hverjir víluðu ekki fyrir sér að bjóða talsvert yfirverð fyrir eignirnar og voru með allt að 100% lánsloforð í höndunum frá gömlu bönkunum hafa sjálfsagt ýtt undir þetta ásamt mörgum öðrum samverkandi þáttum. Það ber líka að líta til þess að mikil fækkun hefur orðið á sölumönnum í stétt "fasteignasala" og gæti það einnig haft áhrif á markaðinn en fyrst og fremst er ástandinu um að kenna, það er skiljanlegt að fólk sé hrætt við að fjárfesta í fasteign miðað við verðbólguhorfur en ég held í ljósi síðustu atburða á fjármálamarkaðnum sé nú sem áður FASTEIGN BESTA FJÁRFESTINGIN.
Höfundur vinnur við sölu fasteigna og hefur gert það síðustu 19 árin og vonast til að geta starfað áfram í greininni og er því væntanlega ekki óhlutdrægur.

Maður spyr sig
Tótinn

Fall á fasteignamarkaði

Athugasemdir

[Jóhannes (IP-tala skráð) 28.11.2008 kl. 12:27]

Hversu veruleikafyrrtur getur einn fasteignasali orðið ??

 Ég meina. Bara svona til að byrja með þá er verð fasteigna að hrynja í hverju byggðu bóli á jarðkringlunni, ef þú hefur ekki tekið eftir því.

  Íslenskur efnhagur er í rúst. Þú talar í hringi. Í einu orðinu talar þú um offjárfestingu og síðan talar þú um að slá væntingar niður. Ekki heil brú í þessu hjá þér.

   Eitt er víst að fasteignamarkaðurinn er í rugli og hefur verið það undanfarin ár. Málið er bara að fasteignasalar voru ekkert voðalega hvekktir yfir tímum undanfarin ár.

  Það er einfaldlega staðreynd að húsnæðiskostur landsmanna hefur orðið að áhættufjárfestingu síðustu ár. Það hefur nú sýnt sig.

  Þú ert ábyggilega ágætur fasteignasali, en ég veit ekki með hagfræðina.

[Þórarinn M Friðgeirsson, 28.11.2008 kl. 12:38]

Rólegur ég var bara að benda á að staðreyndirnar tala sínu máli og tvískinnungurinn hjá greiningadeildunum ríður (eða reið) ekki við einteyming. Ég veit ekki hvaða fasteignasala þú hefur verslað við síðustu árin en það talar hver fyrir sig og ég margbenti kaupendum á það sem voru að bjóða langt yfir ásettu verði með stór lánsloforð í höndunum að þetta væri umfram það sem ásett væri en að sjálfsögðu er ég ekkert að draga úr hlut fasteignasala í ruglinu. En ég einfaldlega bendi á tölur um verð fasteigna á síðustu 20 árum þegar ég segi að fasteign sé væntanlega besta fjárfestingin

[Sigmar Ægir Björgvinsson, 28.11.2008 kl. 12:55]

fasteignaverð mun hrynja það er mjög gott fyrir þá sem eru að kaupa sína 1 íbúð eða er það ekki

[Gunn (IP-tala skráð) 28.11.2008 kl. 13:46]

Vandamálið er það að verðið á húseignum er ekki farið að falla að ráði.  Væntingar kaupenda og seljenda er ekki samræmi. Það ríkir alkul á markaðnum. Verð húseigna er ekki hærra en það sem markaðurinn er tilbúin að borga fyrir eignina.

Verð á húsnæði er of hátt og samhengi rauntekna fólks og húsnæðisverðs var og er brenglað og skuldastaða margra þegar orðin tæp fyrir hrun íslenska hagkerfisins.  Við vitum vel að stór hópur fóks hefur notað sínar fasteignir sem nokkurs konar hraðbanka og hlaðið skuldum á þær og eru núna í gríðarlegum vandræðum að velta þessum skuldum á undan sér.

Allar forsendur fyrir gríðarlegu verðfalli á húsnæði eru núna til staðar.
Gríðarlegt offramboð á húseignum, atvinnuleysi, launalækkanir og stórlega skertur kaupmáttur vegna verðfalls krónunnar. Stórfelldur lánsfjársskortur og stóraukin lánabyrði.   Snjóboltinn fer að rúlla þegar það fara að koma eignir á nauðungasölu.

Það þarf ekki að fara langt til að sjá gríðarlegt fall á húsnæðismarkaði.

[Sigmar Ægir Björgvinsson, 28.11.2008 kl. 13:52]

Víða á landsbygðinni mun Fasteignaverð hækka verulega

[Jóhannes (IP-tala skráð) 28.11.2008 kl. 14:51]

Til að byrja með þá hafði ég nú vit á því að kaupa ekki, þegar eins og áður sagði að fasteignverð er búið að vera í ruglinu undanfarin ár. Það hefur væntanlega ekki verið góð fjárfesting þá?!

  Stjórnvöld eiga náttúrulega stóran part í að skapa þennan markað, og verðtryggingin líka. Af hverju er ekki hægt að koma með kerfi þar sem ljóst er hvað þú komir til með að borga?? What you see is what you get?, þ.e. í fjármögnununni.

   Málið er að þessir laissez-fair sjálfstæðisdurgar undanfarinna ára, vilja ekki heilbrigt viðskiptalíf. Þeir vilja hafa kerfið í eins miklu ójafnvægi til að þeir geti sukkað sjálfir. Það blæða bara allt of margir fyrir það, auk þess slævir það réttlætiskennd fólks.

    Þannig að þegar þú segir að fasteign sé besta fjárfestingin er það ekki rétt, per se, en ef maður skoðar það í hagkvæmissjónarmiði þá er hún það.

  Þegar þú segir við fólk að þetta sé besta fjárfestingin þá hugsar það bara um ávöxtunina. Það vill bara fá "eðlilega" ávöxtun á fasteignina, þ.e. það vill helst búa FRÍTT. 

   Þessu hafa fasteignasalar verið að flíka til að sannfæra kaupendur um gildi fasteigna í staðinn fyrir höfða til annarra þátta.

    Staðreynd!! 

[Þórarinn M. Friðgeirsson (IP-tala skráð) 28.11.2008 kl. 15:32]

Með því að segja að fasteign sé besta fjárfestingin þá er ég að taka mið af verðbreytingum fasteigna síðustu tuttugu árin annarsvegar og annarra sparnaðarleiða hinsvegar. Líkt og þú bendir á Jóhannes þá er það alveg hárrétt sýnist mér að hluti hækkunar liggur í verðtryggingunni. Húsnæðisverð mun ekki lækka mælanlega fyrr en einhver sala verður til að styðja tölur.  Ekki misskilja það ég er sammála þeim sem telja fasteignaverðið fullhátt og miðað við markaðsaðstæður þá hlýtur það að fara lækkandi. Ég þekki fáa sem töldu sig búa frítt við að eignast húsnæði. Ég sé að við erum sammála um ýmsa hluti og þá sérstaklega hvað verðtrygginguna varðar en ráðum ekki við verðtryggingarverði landsins.

[Bjössi (IP-tala skráð) 28.11.2008 kl. 17:47]

Ruglið í þessum húsnæðis vandræðum er eingöngu fólkinu að kenna, sem "keypti" sér alltof dýrt húsnæði, og sumt á 100% láni!! Það hefur eithvað misfarist í menntun fólks sem gerir svona, eða það bara hreinlega vanntar eithvað í hausinn á því!!

Í langflestum tilfella, er engum um að kenna nema þeim sem tók of stórt lán!!

[Þórarinn M Friðgeirsson, 28.11.2008 kl. 18:17]

eða þeim sem vildu vera eins og hinir ?

[Bjössi (IP-tala skráð) 28.11.2008 kl. 19:12]

Eins og hinir hverjir? Þei sem fluttu inn í alltof stórt hús, eða þeir sem "keyptu" nýlegt hús, og byrjuðu svo á að gera það fokhelt, til að endurnýja allt, eða þeir sem keyptu gamlann hjall á uppsprengdu verði í 101 .... ?

Eða þá tóku erlent bílalán og "keyptu" bíl sem það hafði í raun engin efni á?  Sá sem tekur lán til að kaupa bíl (eða hvað sem er) langt umfram efni endar náttúrulega í vandræðum, það er ekki flókið mál.

Ég er viss um að menntun þjóðarinnar hefur hrakað verulega, fyrir nokkrum mánuðum voru fjölmiðlar uppteknir af því að útskýra fyrir fólki eins og fimm ára börnum, hvað verðbólga er, það er þá varla við því að búast að fólkið gerisér grein fyrir verðtryggingu, eða til hvers hún er, enda heimtar fólk núna að verðtrygging sé afnumin ????

Þegar svo þetta fólk, með erlend lán, heimtar að "taka upp evru STRAX"  þá er mér ofboðið, "á hvaða gengi viltu taka upp evruna?"  spyr maður þá, fátt verður þá um svör, enda hugsar fólk ekki málið til enda.

Það er þessi óráðssía, og flottræfilsháttur sem búinn er að koma okkur í þessi vandræði að stórum hluta, svo ekki sé nú talað um glæpasterfsemi bankastjórana, það er svo annar kapítuli.

Kv.

[Jóhannes (IP-tala skráð) 28.11.2008 kl. 21:03]

Það er gott að heyra að fólk sér þetta þá í einhverju réttu ljósi. Fólk á að einbeita sér að komast að því hvað fór úrskeiðis. Við erum með hérna fullt af færu fólki til að stjórna bæði bönkum, þ.m.t. Seðlabankanum, og fleiri stórum fyrirtækjum. Það var ekki hlustað.

   Ef maður veltir því fyrir sér, þá er þetta sem hefur gerst ótrúlegt.

  Bankarnir eru nánast gefnir. Koma inn á heimsmarkaðinn í bullandi góðæri. Eru með fullt af hæfu og vel menntuðu fólki. Öflugur háskóli og síðar háskólar í landinu(fyrir utan Hannes Hólmstein og eintsaka femínista). Auðlindir þjóðarinnar miklar.

          ...........síðan fer þetta svona, þetta á ekki að vera hægt, og ég meina það. Eitthvað fór þessi peningur. T.d. er spáð 20% ársverðbólgu í vor, og á sama tíma er þjóðarframleiðsla að dragast saman um 10%!!!   Þetta á hreinlega ekki að vera hægt.

   Síðan það eina sem sumu fólki dettur í hug núna er að tönglast á verðtryggingunni......halló vakna.  Verðtryggingin er slæm, en hún verður ekki afnumin akkúrat núna.

   Ráðamenn þjóðarinnar hljóta af hafa áttað sig á því hvað var í gangi?!