Veit ekki með meirihluta ??

Nei það er töff að mótmæla og því held ég að þessi sé niðurstaðan, jú kosningar verða væntanlega á næsta ári en að mínu mati væri fásinna að kjósa núna eins og við þurfum stjórnarkreppu ofan á allann hinn ósómann? nei látum þá sem við kusum yfir okkur síðast koma þessu á einhvern rekspöl, tökum síðan stöðuna í mars-apríl og sjáum hvort eitthvað hafi áunnist og þá er rétt að taka kosningaafstöðu. Maður spyr sig....... Tótinn

Meirihluti telur mótmæli endurspegla viðhorf þjóðarinnar

Ég lofa því líka !

Þetta er loforð sem ég kem aldrei til með að svíkja, get meira að segja sett þetta á loforðaskrá mína fyrir næstu kosningar ef einhver vill mig í framboð. Það er meira en margur stjórnmálamaðurinn getur sagt þessa dagana.  Kv. Tótinn

Obama lofar að reykja ekki í Hvíta húsinu

Nammi namm ?

Kjúklingur er herramannsmatur og vonandi verður ekkert rukkað aukalega fyrir þessa and.... salmonellu en að öllu gríni slepptu þá er þetta Mjög slæmt mál, vondandi komast þeir fyrir þetta og það strax..... Totinn

Grunur um salmonellu í kjúklingi

Ætli þetta hangi ?

Það er spurning hversu lengi þetta hangir ??? en það er á meðan er. Ætli þessu verði ekki náð af okkur einhvernveginn ?????? Maður spyr sig Tótinn

Eftirstöðvar gengistryggðra lána minnka

Everton þriðja besta liðið í Liverpoolborg ?

Sannar þetta ekki hið fornkveðna að Everton sé þriðja besta liðið í Liverpoolborg á eftir aðal og varaliði Liverpool. Maður spyr sig. Tótinn

O'Neill: Ótrúlegur endir

Jóladagatal Tótans dagur sjö - kæri Össur.

Nei nú er mér nóg boðið, vælandi vísitala ! hvur andsk..... (fyrirgefið orðbragðið)gengur ykkur eiginlega til ?? Hvað haldið þið að hafi gerst ? jú Vælandi vísitalan er búinn að setja allt á annan endan hérna inni, Kengbogna Kreppan og Karmelluhúðaða gengisfellingin blása út eins og púkinn á fjósbitanum, eineygða Esb aðildin og Icesavereikningurinn eru komnir í hár saman og hvernig haldið þið að mamma og sjóðheita gengishækkunin hafi það eiginlega ? Jú laukrétt þær gráta bara og allur ávinningur helgarinnar er horfinn, mamma slökkti á jólaseríunni og er farin að plokka rúsínurnar úr kökunum og ég er alveg sjóðbandbrjálaður. og ég sem hélt að ég væri búinn að bjarga jólunum á vaxtalausu láni sem ég þarf ekki að byrja að borga af fyrr en í vor en vælandi vísitalan verður búinn að éta upp launin mín þegar þar að kemur og ég verð ekki búinn að borga þetta fyrr en jólin 2011.  eineygða Esb aðildin er búin að telja Icesavereikningnum trú um að gangi Ísland í ESB þá mun bretinn vilja hann aftur og Icesavereikningurinn sem rétt áðan var kominn í hörkurifrildi við eineygðu Esb aðildina er kominn með útrásarfíling og var að spá í að skella sér í frí til Bretalands en þá kom vælandi vísitalan í veg fyrir það.  Nei má ég nokkuð biðja ykkur að sleppa mér í nótt gerið það nema eitthvað gott komi frá ykkur !!!!! Þinn Tótinn

Jóladagatal Tótans Dagur sex - Kæra Ingibjörg S .

Já dauða mínum átti ég von á mín kæra frekar en þessu. Eineygða ESB aðild og það fæ ég þrátt fyrir að ég hefði ekki komið heim fyrr en alltof seint eftir strangt ferðalag með Icesavereikningnum til akureyrar. Það kom mér ekkert smá á óvart að þar vildi enginn hafa neitt með hann að gera svo ég varð að koma með hann heim aftur. Eineygða Esb aðildin tók strax öll völd á heimilinu og sjóðheita gengishækkunin, Kengbogna Kreppan og Karamelluhúðaða gengisfellingin eru búnar að taka yfir baðherbergið hjá okkur mömmu harðneita að opna og ég er að verða geðveikur og farinn að hakka í mig dísurnar hennar . Mamma og pólverjinn eru í verslunarferð og nú á víst að klára íbúðina loksins enda segir mamma að hún sé svo rík eftir Sjóðheitu Gengishækkunina hans Davíðs frá því í gær að hún sé að spekúlera í að kaupa nýja fokhelda íbúð ?  Eineygða ESB aðildin stendur uppá stól og flytur lofræður allan daginn um einhverja kalla útí Brussel sem ætla að verða voða góðir við okkur ef við bara látum þá fá fiskinn okkar,rafmagnið okkar og vatnið okkar en ég er búinn að reyna að segja henni að það eina sem við getum látið kalllana hafa eru JÓLASVEINARNIR okkar. Og Icesavereikningurinn er farinn að taka undir með Eineygðu Esb aðildinni og söngurinn er að drepa mig. Ég segi það við þig eins og ég sagði við Davíð plís taktu þessi kvikindi með þér næst þegar þú kemur ég get þetta ekki lengur. Þinn vinur Tótinn.

Jóladagatal Tótans upprifjun dagar 1-5.

Jóladagatal Tótans dagur eitt - Kæri Geir ! Dagur eitt púnktur. Ég veit þú getur ekki trúað því hvað ég var ánægður að sjá þig svona rólegan og heimilislegan í þættinum hjá Jóni Ársæli um daginn. En það var nú samt alveg óþarfi að senda mér ICESAVE reikninginn, ég bað ekkert um hann fyrir þessi jól. Mamma var alveg brjáluð þegar hún sá hann og situr nú heima og bryður róandi . Ég sjálfur er samt alveg rosalega ánægður með að þú skulir hafa munað eftir mér fyrir þessi jól. Og konan þín hún Ingibjörg (held ég)er líka mjög fín og bakar fínar pönnukökur. Svo var líka rosalega gaman að heyra hvað þú átt góða vini á hinum norðurlöndunum sem vildu allir gefa þér pening.  Ég skal lofa að vera rosalega góður í dag svo ég fái eitthvað í skóinn í nótt  en plís ekki fleiri reikninga!!!! Þinn Tótinn  Jóladagatal Tótans - dagur tvö - Kæri Davíð.  Alveg er það óskiljanlegt hvað þið eruð góðir við mig þessa dagana, ég fór mjög seint að sofa í gærkvöldi og var frekar óþekkur en fékk samt í skóinn. Þessi líka flotta GENGISFELLING með karamellukremi og ég fékk í magann . Ég þurfti að fara til læknisins og reikningurinn jú hann var að sjálfsögðu eins og ein afborgun af myntkörfuláninu sem ég var að taka til að borga fyrir síðustu skógjöf ykkar (enda er ég ekki kominn með afsláttarkort frá tryggingarstofnun enþá). Gengisfellingin réðist að Icesavereikningnum og við það hækkaði hann um 400 milljónir króna og mamma fékk taugaáfall og er kominn á geðdeild. !!! Þið þurfið ekkert endilega að gefa mér í skóinn á hverju kvöldi en það væri nú virkilega fallegt af ykkur Geir vini þínum að henda inn svona eins og einni vaxtalækkun ef þið eruð að þessu á annað borð. Þinn vinur Tótinn. Jóladagatal Tótans - dagur 3 kæri Steingrímur.

Ég þakka þér ofboðslega fyrir sendinguna í gærkvöldi . En svakalega var ég skúffaður þegar að í ljós kom að það var ekkert í umslaginu sem þú gafst mér nema einn lítill blaðsnepill sem á stóð: Ég er á móti. Gengisfellingin og Icesave reikningurinn fóru í hár saman og voru að rífast um hvorum þú værir meira á móti. Ég reyndi að stilla til friðar og segja þeim að þú værir rosa góður kall en værir bara svona almennt á móti öllu. Þau trúðu mér ekki og ég sit hérna eftir með svakaglóðarauga og er að drepast í hausnum. Mamma er komin heim en er ekki mönnum sinnandi og ég held að hún sé líka að verða svona fúll á móti týpa.  Ég verð að segja það að ég er líka að verða svona pínulítið á móti kall eins og þú en ég get bara ekki ákveðið alveg hverju ég á að vera á móti. Ég vona að þú komir aftur í kvöld og þá verði sko lausnir í umslaginu frá þér.  Kær kveðja þinn Tótinn  Jóladagatal Tótans dagur fjögur - Kæri Árni M.Þú kominn í leitirnar og ég varð ekkert lítið hissa þegar ég fékk frá þér kengbognu Kreppuna . Þú hefðir átt að sjá upplitið á Icesave reikningum  og Karamelluhúðaðri gengisfellingunni  þær urðu ekkert smá vandræðalegar enda um afkvæmi þeirra að ræða. Gengisfellingin varð alveg æf út í Icesavereikningin fyrir að gera ekki ráðstafanir til að verjast þessum getnaði eins og Davíð var búinn að biðja um og nú talast þau ekki við og andrúmsloftið er orðið þrúgandi. Kengbogna kreppan situr bara róleg, étur upp allar eigur okkar mömmu og mamma tekur þetta svo nærri sér að hún tímir ekki orðið neinu. Árni það er þér að kenna að núna tímir hún ekki að setja rúsínur í jólakökurnar sem mér þykja svo góðar af því að kreppan er búinn að éta þær allar og ekki er hægt að kaupa nýjar út af gengisfellingunni.  Mamma mín er að jafna sig aðeins á þessu en hún er búinn að taka skóinn úr glugganum til öryggis og hún skrúfaði aðra hvora peru úr jólaljósunum til að spara rafmagnið allt út af þessari fjandans kengbognu Kreppu. Mikið svakalega obboðslega væri ég glaður ef þú gætir komið og náð í vini þína svo ég eigi gleðileg rúsínujól. Þinn vinur Tótinn     Jóladagatal Tótans dagur fimm -Kæri Davíð !Ja hérna þú aftur það gat nú svo sem verið að þú þyrftir að troða þér aftur, ekki misskilja mig undir öllum venjulegum kringumstæðum hefði ég verið ekkert smá ánægður með að fá það sem þú gafst mér en eins og þú veist þá eru heimilsaðstæður okkar ekkert venjulegar núna og ég veit alveg að ég bað um þetta en kommon. Sjóðheita gengishækkun ! Veistu hvað þú ert búinn að gera mér? Kengbogna Kreppan og Karamelluhúðaða Gengisfellingin eru flúnar inní herbergi og neita að láta sjá sig fyrr en hún er farin til baka og ég verð að sofa í stofunni með Icesave reikningnum sem er orðinn eitthvað svo fölur. Mamma hins vegar er hæst ánægð og er búin að ráða pólverjann aftur í vinnu. Heldurðu að hún sé ekki búin að bjóða Sjóðheitu gengishækkuninni að búa hjá okkur og nú talar hún ekkert við mig en hún fór beint með gengishækkunina út að versla og búrið hennar er fullt af rúsínum og karamelluhúðaða gengisfellingin og kengbogna kreppan eru komnar í pillurnar hennar. Perurnar í jólaskreytingunni eru allar komnar í aftur og mamma er búin að segjast ætla að kjósa þig ef jólasveinaflokkur þinn bjóði fram í næstu kosningum. Við Icesave reikningurinn erum búnir að fá nóg og ætlum út að skemmta okkur saman, hann segist hafa aðgang að einkaþotu og við ætlum að skjótast til Akureyrar ég reikna með að þurfa að borga það allt sjálfur. Mér er alveg sama þó þú hafir ætlað að vera eitthvað fyndinn en þetta er of mikið af því góða. Ég ætla ekki að vera vanþakklátur en gerðu það taktu eitthvað af þessum kvikindum með þér ef þú kemur aftur. Þinn vinur Tótinn.

Biðja fyrir Davíð og Ríkisstjórninni.

Er ekki rétt að biðja fyrir Davíð kallanganum og Geir Haarde í þeim ólgusjó sem nú gengur yfir þá félagana það held ég að veiti ekki af. Gefum þeim smáséns á að klára þetta er það ekki. Maður spyr sig.

Tótinn

Báðu fyrir landi og þjóð

Karíokí dauðans ???

Með fullri virðingu fyrir látnum manni þá hefur mér líka stundum liðið svona á karíókibörum og örugglega mörgum líka þegar ég hef látið mig hafa það að syngja ????? Tótinn

Karaókí-söngvari myrtur í Malasíu