Hvaða vitleysa er þetta ??

Hvað með það þó hann hafi aðeins bankað í einhverja Unitedbullu það á ekki að flokkast undir líkamsárás en svona haga menn sér ekki ég verð að viðurkenna það hann hefur kannski verið svona fúll með að vera tekinn af leikvelli áður en hann náði þrennunni. Maður spyr sig ? tótinn

Steven Gerrard handtekinn

Flott eign í flottum merkjum- ríkið í fatabúðarekstur.

Líklega verður þá hægt að skaffa alþingismönnum og helstu ráðamönnum þjóðarinnar ódýr jakkaföt og dragtir en við sauðsvartur almúginn njótum væntanlega einskins afsláttar við þetta en maður spyr sig. Kv. Tótinn

Ríkið hluthafi í verslunarkeðjum?

Kinneaar :Maður sem hefur mikið vit á góðum fótbolta.

Kannski má deila um getu hans til að stjórna fótboltaliði en það er alveg klárt að hann veit hvenær spilaður er góður fótbolti. Ég er sammála því að Liverpool er með besta liðið í deildinni akkúrat núna en hvað verður í vor veit enginn, Manutd eru stórhættulegir andstæðingar og það er eitthvað sem segir manni að Arsenal sé ekki búið að syngja sitt síðasta og Chelsea verða skeinuhættir þannig að Liverpool er ekki búið að vinna neitt enþá en so far so good. Kv. Tótinn

Kinnear: Liverpool er besta liðið

Setti ég Ísland á hausinn - maður spyr sig?

Mér hefur verið hugsað til þess hvort það geti verið að einn maður beri ábyrgð á því hvernig staðan er orðin og jú það er alveg möguleiki á því en það liggur alveg fyrir að það er enginn eyland þegar kemur að því að finna sökudólga, er einhver séns á því að einn maður hafi með gjörðum sínum sett heilt þjóðfélag á kúpuna ? Það er mitt mat að langur vegur sé frá því.  Mín skoðun er sú að það sem brást í þessu öllu var fyrst og fremst umhverfið þ.e. að þeir sem léku sér með peninga landsmanna gengu eins langt og þeim var leyft af stjórnvöldum og eftirlitsaðilum. Komi í ljós sem mann er farið að gruna að gengið hafi verið lengra en lög og reglur leyfa á að sjálfsögðu að refsa sekum harðlega en hvenær af því verður og hreinlega hvort af því verður er spurning???

kv. Tótinn 

Jón Ásgeir tekur dóma nærri sér

Utanríkisráðherra hefur meiri áhyggjur af gaza en okkur það er fínt að vita!

ég held að þetta fólk ætti nú að líta sér aðeins nær að vísu er ekki búið að henda sprengjum á okkur í eiginlegri merkingu og ekki er mannfallið enþá orðið mjög mikið hér heima en hvenær ætlar frúin að átta sig á því að þau bera líka hellings ábyrgð á ástandinu hérna heima BÆÐI TVÖ en maður spyr sig. kv. Tótinn

Báðir ábyrgir

40% hærra verð -hlýtur að hafa mikil áhrif ?

Ég hef nú mikla trú á að þessi gífurlega verðhækkun ásamt ástandinu í þjóðfélaginu hafi mikil áhrif þetta árið og ég ætla rétt að vona að þeir sem ætla að "fjárfesta" í flugeldum hafi það að leiðarljósi að versla við björgunarsveitirnar eingöngu því þeir eru þeir einu sem ætti að styðja með kaupum á flugeldum. Þetta er eina alvöru fjáröflunarleið þeirra og ég ætla hér eftir sem hingað til að beina mínum viðskiptum til þeirra og vona ég að þú gerir það líka. Kv. Tótinn

Flugeldasalan hafin

Jólakveðjur til blogvina og landsmanna allra.

Við fjölskyldan sendum öllum hugheilar Jólakveðjur til allra í blogheimum og landsmanna allra, megi guð blessa ykkur og gefa ykkur gleðilega jólahátið.  Jólin eru hátíð ljóss og friðar og munum það kæru landar að á degi sem þessum er við hæfi að leggja til hliðar allar erjur og ófrið.  Þórarinn Magni Friðgeirsson og fjölskylda.

Fín lausn eða hitt þó heldur !

Ég get svo sem trúað því að þeir sem í hvað mesta vandanum voru þegar samþykkt var að veita neyðarlán til þeirra fyrir hvað ca 8 vikum hafi getað bjargað sér útúr þeim vanda með góðri hjálp vina og vandamanna til að fleyta sér yfir versta hjallann, eða jafnvel með LÁNI sem stóð til að greiða til baka um leið og neyðarlánin hafi verið afgreidd.  Ég get vel skilið að þetta fólk margt hvert með fjölskyldur hafi treyst á að fá aðstoð til að halda jól með fjölskyldu sinni eða bara að fá smá pening í lommen til að greiða skuldir. Ég get líka skilið að það er ekkert auðvelt fyrir ríkið að moka út peningum eins og ástandið er en það sem ég get bara ekki skilið er forgangsröðunin og afstaða formanns stjórnar LÍN sem lét það út úr sér að unga fólkið væri bara svona óþolinmótt!. Ég held að þolinmæði sé það síðasta sem þú hefur mikið af þegar þú og fjölskylda þín svelta nánast, geta ekki greitt leigu eða eruð upp á aðra komin með mat og aðstoð eins og raunin varð hjá mörgum ! Námsmenn hafa vonandi flestir möguleika á að halda gleðileg jól hvar sem þeir eru í heiminum en maður spyr sig ? kv. tótinn

Sjö námsmenn í neyð

Vá frábært í hvaða keppni var þetta ??? Gátu þeir eitthvað ???

Maður spyr sig hreinlega í hvaða keppni var þetta?? En þá til hamingju með þetta united menn þetta verður vonandi eini titillinn á árinu.  Kv. Tótinn

Rooney valinn bestur á HM félagsliða

Karlmaðurinn ég og veikindi -hugleiðing um okkur sterkara kynið !!!!

Alveg er með ólíkindum hve sumir verða ofsalega "veikir" við það eitt að fá flensuskít, flensuvott eða hvað þetta heitir. Ég hef nú síðustu daga legið hreint emjandi veikur og að mínu mati nær dauða en lífi og er ég örugglega (að mínu áliti)búinn að slá öll hitamet dag eftir dag hefur mælirinn sýnt hátt í 45 stig samkvæmt haukfránni sjón minni!  og ég hef verið uppá konuna kominn með allt nema klósettferðirnar. Ég fór að velta fyrir mér í framhaldinu hvernig standi á því að ég hluti af hinu "sterkara"kynið virðist alltaf fá miklu verri afbrigði af veikindum heldur en konan. Ég varla næ höfðinu af koddanum og er sífellt hljóðandi á mína heittelskuðu að koma nú og skipta um dvd disk í tækinu, færa mér nú eitthvað heitt að drekka, hagræða fyrir mig koddanum, gefa mér verkjastillandi eða bara strjúka mér smá um ennið eða kyssa létt á það og ofboðslega verð ég nú glaður ef hún viðurkennir nú að ég líti nú skelfilega illa út og sé með "Bangsaaugu" sem benda klárlega til þess að mat mitt sé rétt að ég sé nú bara eftir allt afskaplega illa haldinn. Mér verður hugsað til þess nú þegar ég virðist vera að koma til baka úr "ljósinu" hvort ég hafi nú virkilega verið svona illa haldinn ? Nei líklega má skrifa þetta á þörfina til að láta hugsa extra vel um sig eins og í gamla daga og ekki minnist ég þess að þótt eiginkona mín hafi látið mig dekstra sig svona þó hún hafi í gegnum árin gengist undir allskyns flensur, uppskurði, barneignir og slíkt að mínu mati smáræði ? Nei sjaldan falla niður húsverkin hjá henni eða þvottarnir,baksturinn eða bara hvað það sem við karlmenn(margir) teljum sjálfsagðan hlut ! Ég hef að lokum séð það eins og margoft hefur verið sagt að ef við karlmennirnir (sumir allavegna) hefðum átt að sjá um barneignir heimsins þá væri nú ekki fólksfjölgunin vandamál eins og víða er nei klárlega hefði aðeins eitt barn verið fætt í heiminn hjá hverjum og einum því svoleiðis kvalir eru ekki á karlmenn leggjandi nema einu sinni nema búið væri að finna upp leið til að "rækta"börnin á tilraunastofum algjörlega. Niðurstaðan er því að konur eru klárlega sterkara kynið og við karlmenn verðum líklega bara að sætta okkur við það en maður spyr sig samt. Kv. tótinn