Kristalkúlunni hent á haugana -hundleiðinl. leikur .

Það er augljóst að Wigan menn mættu ekki til leiks fyrr en leikurinn var löngu byrjaður. Skipun að ofan maður spyr sig. Brúsapallurinn er hallur undur Rauðnef rótara og gæti verið að leggja inn fyrir framtíðina. Nei andskotinn ég trúi því ekki en þetta var hreint arfaslök frammistaða hjá báðum liðum og ef þessi frammistaða á leikhúsi martraðanna fleytir rauðu álfunum í toppsætið í lok leiktíðar þá held ég að ég fari nú frekar að horfa á Curling.  Kristalkúlan mín fór í ruslið áðan og verður þar enda andskotann ekkert að marka það sem ég hef sagt eftir að hafa rýnt í hana. Nú verður rauði herinn minn að gyrða sig í brók og hífa uppum sig sokkana og ráðast af hörku gegn Efratúnsmönnum sem skipa víst 3ja besta liðið í Liverpoolborg á eftir aðal og varaliði Liverpool. Góðar stundir en ég gleymdi einu ég ætlaði að óska unitedaðdáendunum báðum til hamingju með frábæran sigur.... Kv. Tótinn

Manchester United lagði Wigan, 1:0 - Chelsea sigraði Southend, 4:1

Athugasemdir

[Ragnar Martens, 15.1.2009 kl. 01:41]

Ég er nú ekki sammála því að þeir bláu séu 3 besta liðið í Bítlaborginni. Frá því úrvalsdeildin var stofnuð þá hefur Liverpool unnið, hva aldrei. Hins vegar hafa Everton menn framleitt eitt stk. Rooney, sem er meira en poolarar geta státað af. Rooney er jafngildi 3 englandsmeistara titla. Nei 4 titla. Td. fékk hann að fara heim eftir 10 mín í kveld, því hann var búin að vinna leikinn.

[Þórarinn M Friðgeirsson, 15.1.2009 kl. 10:06]

Ragnar fyrirgefðu ég mismælti mig ég gleymdi Tranmere Rovers þeir eru líka betri en efratúnsmenn. ÚRVALSDEILDIN er nafngift eins og Landsbankadeildin á íslandi. Það er enginn munur liðið verður ENGLANDSMEISTARI eftir sem áður og því er þetta bara bull. Jú Shrek ég meina Rooney er gullsígildi og synd að hann skyldi velja united hann átti að sjálfsögðu að vera áfram í Liverpoolborg. Ertu að segja að leikurinn í gærkvöldi hafi verið fyrirfram ákveðinn hvað úrslit varðar, ef það að skora eftir 50 sekúntur telst hafa klárað leikinn þá segir það allt um leikinn sjálfan. Nei bara grín United menn eru hreint frábærir, æðislegir einstakir og knattspyrnustjórinn þeirra er dýrlingur. Kv. Tótinn