Ekki hefði ég trúað því að eiga eftir að sjá þessa fyrirsögn !

Er ekki Rauðnefur rótari risinn upp á afturfæturna og lýsir því að Fleksnes hefði verið sárt saknað í leiknum í gær ! Hvað segir Heeeeemmmmi Gúnn við þessu ?? Nei ég er reyndar ekki mikill snillingur í fótboltafræðunum en mér fannst frekar að hann hefði mátt segja eins og var og það var að sárasti söknuðurinn væri af nær öllum þeim leikmönnum sem spiluðu leikinn, það var eins og 70 % af liðinu hafi ekki haft þann dug og þor sem þarf í svona stórleiki sem mér finnst mjög skrítið miðað við að Rauðnefur hefur hingað til ekki verið skotaskuld að koma mönnum í rétta gírinn fyrir svona alvöruleiki ! Rónvaldur "Real" rassmuss var einn af fáum í liðinu sem virtist langa að berja aðeins á Barca mönnum enda sjálfsagt að undirbúa sig fyrir næsta vetur með Real. Vörnin var eins og gamall árabátur með einni ár og sóknin var eins og bitlaus sláttuvél af Ferguson gerð. Ég undanskil fyrstu 9 mínutur leiksins sem voru eign Rauðverja og hefðu þeir á góðum degi sett eitt til tvö kvikindi en ekki í gær, en andann þraut og virkuðu menn rauðnefs sem höfuðlaus her það sem eftir lifði leiks og MIKLU betra liðið vann í gær ekki spurning. Ég get ekki sagt að mér hafi leiðst það en það er allt önnur saga sem sögð verður seinna og vonandi ekki miklu seinna en maður spyr sig. Kv. Tótinn

Ferguson: Söknuðum Fletchers

Því miður fyrir aðdáendur Arsenal þá er þetta búið.

Það fór eins og mig grunaði, ég leit í kúluna góðu í morgun eftir að hafa vaknað með einhver ónot í maganum ! jú þegar það gerist þá er bara um tvennt að velja og annað er að ég sé lasinn eða hitt að Shitunited sé að ná árangri í einhverju og þar sem ég er við hestaheilsu þá er bara hitt eftir og það er að liðsmenn Rauðnefs Rótara munu komast áfram í rimmu dagsins í boltanum. Fyrir þá sem ekki vita þá munu liðsmenn Rauðnefs í Manure mæta til londonsskíris og etja kappi við fullfríska liðsmenn knattspyrnufélagsins Arsenal sem munu að vísu vinna leikinn í kvöld með einu marki en því miður dugar það ekki til því leikurinn fer 2-1 eða 3-2 fyrir Rónvald rassmuss og félaga hans þá Heiki, Shrek og serbnesku ofurlaunadúkkuna.  Að vísu er leikurinn ekki búinn en svona er þetta bara !!!

Ferguson: Mikilvægt að ná að skora

Iss léttur sigur United framundan. Heikir í fremstu víglínu = klikkar ekki ?

Fyrir aðdáendur united upplýsist það hér með að kúlan mín góða sér léttan sigur Rauðnefs og félaga í kvöld þannig að það borgar sig að setjast snemma niður fyrir framan skjáinn og njóta, ég sá ekki betur en að það komi 4 rauð mörk í kvöld ?????

Tévez byrjar inná gegn Arsenal

Til lukku með Giggs aðdáendur United.

Væntanlega er verið að heiðra Giggsarann fyrir frábæra frammistöðu á þessum langa ferli frekar en frammistöðu hans í vetur. Hann er vel að þessu kominn og hefur hann í gegnum tíðina verið einn besti leikmaður Ensku deildarinnar. Í réttu liði hefði hann að sjálfsögðu verið löngu búinn að hljóta þessa nafnbót ?? Nei þetta er smá spaug hjá mér líklega er United besti kostur fyrir hann ? Þar sem ég reikna tæplega með að Giggs sjái þetta þá ætla ég að leyfa mér að óska aðdáendum United til hamingju með drenginn !

Giggs sá sjöundi hjá United sem er valinn bestur

Hvað gengur á - er nýji seðlabankastjórinn búinn að "gera uppá" bak í boði VG og Samfó ??

Eina alvörubaráttumál núverandi ríkisstjórnar var að koma D.oddman ofurhetju úr stóli seðlabankastjóra svo endurnýja mætti traust á peningastefnunni og til að geta farið í nauðsynlegar aðgerðir í peningamálum þjóðarinnar. Hvað er að bregðast spyr maður sig ? Hver fræðingurinn á fætur öðrum ásamt yfirlýsingum fjármála og forsætisráðherra um að nú sé botninum náð ná ekki að ganga eftir. Nú ættu stórir gjalddagar lána sem SJS hefur talað um að vera um garð gengnir og ekki er vöruskiptahallinn að drepa neinn núna nema síður sé því hér er algjört status qua í öllu. Nú kemur í ljós að þetta fólk ræður ekkert við þetta verkefni og hver fræðingurinn á fætur öðrum þarf að éta ofan í sig yfirlýsingar sínar. Kannski var  D.oddman ofurhetja ekki sá flöskuháls sem af var látið og ljóst að SJS og JS voru að þessu af einhverjum öðrum hvötum sem mér er ekki kunnugt um hverjar eru en maður spyr sig ?

Gengislækkun dagsins 0,9%

Ef rukkað væri fyrir skemmtangildi þá ætti Utd að lækka miðaverðið !

Ég viðurkenni að vísu að síðustu árin hefur skemmtanagildi leiks United manna verið svona í hærri kantinum en frammistaða síðustu vikna hefur ekki verið til þess fallinn að ástæða sé til að hækka verðið á leikvang martraðanna onei það er spurning hvað Liverpool ætti þá að rukka fyrir aðgengi á sína leiki ?? Er nema von að maður spyrji ? 

Manchester United hækkar miðaverðið

Geisp !!!! Áhugamenn um alvöru fótbolta - Varúð!

Mín alræmda kristalkúla opnaði sig í morgun og í henni er einn litur áberandi og hann er blár og allt að því Kóngablár. Að vísu sýndi hún að Rauðnefur og hans pótintátar eigi ekki í vandræðum með HH og félaga hans í Pompey og munu þeir Rauðu setja allavegna tvö mörk í kvöld en varla fleiri þannig að áhugamönnum um alvöru fótbolta ættu að horfa á Chelskí -Everton eða leita að endursýningu á leikjum Liverpool til að sjá skemmtun. Blái litur kúlunnar getur ekki þýtt nema eitt að ef svo ólíklega vill til að mínir menn í Liverpool verða ekki mestarar í ensku deildinni í vor þá er það alveg klárt að það verða Hiddink og félagar í Chelskí sem munu taka titilinn bæði þann enska og klárlega líka bikarinn og svei mér þá ef þeir eru ekki að fara að vinna CL en að vísu er Kúlan með rendur í þeirri spá þannig að það er líklega verið að tala þar um Barca ?????  Þeir sem ætla að fara að setja niður vorlaukana eða kartöflurnar ættu því að gera það í kvöld frekar en að eyða dýrmætum tíma í að horfa á United en maður spyr sig ???

Ferguson: Bikarinn truflar okkur ekki

Skammist ykkar Ríkissjónvarp allra landsmanna!

Alveg er það með ólíkindum að þessi stofnun sem maður er neyddur til að greiða fyrir okurpening í formi nýrra nefskatta skuli ekki sjá sóma sinn í að sýna frá úrslitakeppnunum í handbolta. Ég get ekki að því gert að mér finnst eins og þeir fatti ekki að þetta er alvöru sjónvarpsefni sem dregur að fjöldann allan af áhorfendum. Nei má ég þá biðja um að sportrásir 365 miðla fái þetta efni til sýninga fyrst Rúv OHF getur ekki dru...... til að sýna þetta. Mér sýnist að mín fjölskylda verði rukkuð um heilar 17,600*5 fyrir árið og fyrir hvað ???? Þegar stórt er spurt þá er fátt um svör ??? Eitt sem ég reyndar botna ekki í og það er að samkvæmt nýju lögunum um RÚV OHF þá eiga dánarbú að greiða afnotagjald af rúv og er mér lífsins ómögulegt að fatta afhverju, er hinn látni með sjónvarp/útvarp með sér hinumegin ég bara spyr....

Beinar útsendingar í kvöld

Væntanlega verða 11 menn á móti 11 !

Eftir því sem mér skilst þá eiga Arsenal menn fullt af ungmennum til að fylla skarð þessara manna þannig að mínir menn í Liverpool mættu passa sig á því að vanmeta alls ekki Arsenalmenn hvernig sem stillt verður upp. Kúlan mín góða neitar að venju að spá í þennan leik. Þetta er leikur sem Liverpool verður að vinna ætli þeir sér að halda í vonina um að landa titlinum í vor en erfitt verður það klárlega. United er í bílstjórasætinu klárlega og þurfa einfaldlega að vinna þá leiki sem þeir eiga eftir þá verða þeir meistarar en meðan það er von þá ætla ég að leyfa mér að halda dauðahaldi í hana........ Ekki er eins og mínir menn hafi að einhverju öðru að keppa þessa dagana uss......

Van Persie og Adebayor úr leik

Til lukku United aðdáendur með sigurinn í kvöld!

Ég ætla að byrja á því að lýsa yfir hamingjuóskum til Unitedaðdáenda með sigurinn og að vera komnir í undanúrslit í þessari frábæru deild en þessi hörmung sem Rónvaldur rassmus og félagar buðu uppá er vonandi ekki forsmekkurinn að því sem koma skal því þá verður ykkar liði slátrað af aðeins sterkari andstæðingum og Arsenal mun valta yfir þetta lið ef engin breyting verður á. En aftur til lukku með þetta .......

Evrópumeistararnir komnir áfram