ESB - enþá við sama heygarðshornið er þetta það sem við viljum?

Ég get ekki að því gert að innra með mér leynist sá grunur að við séum alltaf að fá það betur og betur staðfest að við eigum ekkert erindi í þennan klíkuklúbb í Brussel. Ég held að af okkur yrðu hirtar skrautfjaðrirnar og okkur síðan hent útí hafsauga allsnöktum og hent í okkur brauðmolum öðru hvoru til að fá okkur til að þegja. Ég get ekki séð að okkar misvitru stjórnmálaskörungar hefðu nokkuð í hákarlana þarna úti miðað við fengna reynslu. Við verðum að standa á eigin fótum og bjarga okkur sjálf útúr þeim ólgusjó sem við erum búin að koma okkur í jú guð hjálpar þeim sem hjálpa sér sjálfir. Gefum skít í ESB, við verðum miklu sterkari fyrir utan þennan klúbb en maður spyr sig.

Aldrei vafi um skyldu vegna Icesave

Athugasemdir

[C4 (IP-tala skráð) 2.3.2009 kl. 11:55]

Framsóknarsjálfstæðisfrjálslyndur. Augljóst.

[Þórarinn M Friðgeirsson, 2.3.2009 kl. 12:17]

Eða bara eitt af þessu þrennu ég veit það ekki

[Guðmundur Ásgeirsson, 2.3.2009 kl. 13:11]

Það er alltént kominn tími til að Sjálfstæðisflokkurinn fari að standa undir nafni á nýjan leik. Framsókn þarf hinsvegar að gera það upp við sig hvort í ESB felist framsókn eða afturför, þar sem þeir eru ófærir um að taka afstöðu nema vera vissir um að hún skili sem mestum hagnaði til þeirra sjálfra. Frjálslyndir vilja auðvitað ekki stofna fiskveiðiheimildum í hættu og þarf væntanlega ekki að ræða það frekar. Þar sem meirihluti þjóðarinnar er nú á móti ESB aðild en einn Stærsti flokkurinn er hinsvegar gríðarlega fanatískur í stuðningi sínum við málið er ljóst að þetta mun verða eitt aðal kosningamálið í vor.

[GH (IP-tala skráð) 2.3.2009 kl. 13:18]

Það er alltaf auðvelt að kenna öðrum um þegar manni hefur orðið á. Frelsi fylgir ábyrgð; aðild okkar að EES fylgir það frelsi að íslensk fyrirtæki mega starfa á evrópskum markaði en á móti fylgir sú ábyrgð að íslensk stjórnvöld standi að baki þeim. Það var ekki ESB að kenna að bankarnir uxu íslensku hagkerfi yfir höfuð, heldur því að stofnanir sem eiga að fylgjast með vexti þeirra sváfu á verðinum.

[Bragi Sigurðsson, 2.3.2009 kl. 16:32]

Hvernig á að taka afstöðu nema með aðildarumsókn, þannig fáum við úr því skorið hverju er að tapa og hver ávinningurinn er. fiskur og aftur fiskur,, hver er munurinn á því hvort Jón Jónson kvótagreifi sem býr í London eða Dawid Jonson sem býr líka í London eiga kvótann, ja ég bara spyr.

[Þórarinn M Friðgeirsson, 2.3.2009 kl. 16:49]

Það er von að þú spyrjir Bragi. Ég er sammála með kvótann en ég held að þetta snúist bara um svo miklu meira en kvótann. Halda menn að það verði það eina sem verður hirt af okkur onei. Allar virkjanir verða nýttar til að skaffa ódýrt rafmagn um sæstreng til öxulvelda hins illa og hver lækjarspræna verður virkjuð sem rennur. Nei ekkert helv. ESB kjaftæði ef við viljum annan gjaldmiðil þá tökum við hann bara upp með það sama hvort sem mönnum líkar það betur eða verrr ....

[Bragi Sigurðsson, 2.3.2009 kl. 17:11]

Hef alltaf verið hrifin af Kanada dollar.

[Eyrún (IP-tala skráð) 3.3.2009 kl. 08:58]

"Nei ekkert helv. ESB kjaftæði ef við viljum annan gjaldmiðil þá tökum við hann bara upp með það sama hvort sem mönnum líkar það betur eða verrr ..." Hvernig geturu leyft þér að hugsa svona, átt þú ekki börn? Er þér sama um framtíð þeirra? Helduru að það vilji einhver eiga viðskipti við þjóð sem lætur eins og hún sé hinir upprunalegu víkingar og geti gert það sem henni henti þegar henni hentar án þess að gefa svo mikið sem nögl af litla putta til baka? Hvernig litist þér á að einhver sæi að bíllinn þinn væri hagkvæmari í rekstri en hans og ákvæði því bara að nota hann með þér, sama hvort þér líkaði betur eða verr? Hugsa þér fyndist það svoldill ágangur og að gæinn væri ekki alveg traustur...