Yfirlýsing um greiðslustöðvun (af minni hálfu) !

Ég verð að segja að mér hugnast ekki alveg þessi tala ! Ég nenni ekki að setja það niður fyrir mig hvað þetta gerir á mína fjölskyldu en væntanlega er það talsvert meira en ég treysti mér til að borga og því ætla ég að lýsa því yfir að ég get ekki og mun ekki geta tekið minn hluta af þessari skuld og vænti ég þess að ég muni ekki fá reikning fyrir þessu á næstunni enda tel ég mig ekki hafa samþykkt þetta. Hingað til hefur verið talið að til að geta skuldsett einhvern þá þurfi samþykki hans fyrir skuldinni. Ég geri mér grein fyrir að þeir sem ráða eru til þess kosnir af þjóðinni(meirihluta hennar í þessu tilfelli) en þetta er of mikið þannig að ég lýsi því hér með yfir að ég tel mig óbundinn af þessari skuld.

Kv. Totinn

Ábyrgjumst 600 milljarða

Athugasemdir

[Sigrún Jóna (IP-tala skráð) 13.10.2008 kl. 13:07]

Ekki ætla ég að borga.

Það er engin undirskrift frá mér um samþykki þessa, né undir skuldaviðurkenningu neins eða eins.

[Hákon Jóhannesson (IP-tala skráð) 13.10.2008 kl. 13:46]

Sæll Þórarinn,

takk fyrir þetta innlegg.

Ég opnaði Hagstofuvefinn og þar má sjá að íbúar Íslands á aldrinum 15 - 64 ára eru um 211.000.

Þetta þýðir það að hvert bak á þessu aldri á að axla 2.843.600 kr. að jafnaði m.v. 600 miljarða.

Ljóst má vera að hluti af þessu, a.m.k. mun lenda hér á fólki þessa lands, sem ekki komu neitt nálægt þessu botnlausa rugli, af fullum þunga.

Það er lítil sæmd af þessu og er það óskandi að þeir sem raunverulega bera ábyrgðina á þessari svívirðu axli ábyrgðina en að henni sé ekki velt yfir á saklausa borgara þessa lands.

[Þórarinn M. Friðgeirsson (IP-tala skráð) 13.10.2008 kl. 14:18]

Já það þýðir að miðað við mína fjölskyldu þá þýðir þetta 11,374,400 kr. sem að mér sýnist því miður vera of mikið þannig að yfirlýsing mín stendur(svo langt sem hún nær) ég verð að viðurkenna að því miður tel ég ekki að mér sé á neinn hátt stætt á þessu en því ekki að reyna ? Ég reyni á allan hátt að standa við þær skuldbindingar sem ég hef sannanlega skrifað undir og ætla í bili að láta það duga. Það gæti hugsast að þegar ég er búinn að borga þær skuldir sem samkv. þessu verður 2044 þá skoða ég aðkomu mína að þessum 11 millj. Kv. totinn

[Maggi Gísla (IP-tala skráð) 13.10.2008 kl. 19:33]

Þið sem kusur íhaldið eigið að sjálfsögðu að borga þetta!

[Villi Asgeirsson, 14.10.2008 kl. 07:42]

Hmmm... ég hefði getað keypt bílinn minn 25 sinnum fyrir þetta. Hann er virkilega gott eintak og lítið keyrður en var ekki dýr. Ég reyni að safna ekki skuldum og það gekk bara vel þangað til í síðustu viku.

Eigum við ekki bara að vera bjartsýn og vona að eignir bankanna séu meira virði og að við fáum öll bónus þegar búið er að gera upp?

[Totinn (IP-tala skráð) 14.10.2008 kl. 18:29]

Ég mun hér eftir sem hingað til kjósa mína menn enda liggur það fyrir að auðvaldið þ.e fyrirtækiseigendur eins og Maggi Gísla munu borga þetta fyrir okkur smælingjana. Heill forseta vorum og fósturjörð.

kv. Totinn