Að sjálfsögðu á að afnema þetta strax !

Þetta ósanngjarna gjald hefur orðið þess valdandi að fjöldi löggiltra fasteignasala hafa skilað inn skírteini sínu þar sem ástandið á mörkuðum er ekki til þess fallið að halda úti fjölda löggiltra fasteignasala innan sömu starfsstöðvar þar sem lögin kveða svo á að einungis þurfi einn löggiltan fasteignasala á hverja starfsstöð sem oftar en ekki leppar stofuna hvort eð er. Ég held að það þurfi að fella niður einnig skylduaðild að félagi fasteignasala sem komið var á við síðustu lagasetningu um stétt fasteignasala. Ég sé ekki að nokkur leið sé að skylda þig til að vera félagsmaður í einu félagi frekar en öðru og vil ég (hafi ég áhuga á því að vera í félagi yfir höfuð) velja sjálfur í hvaða félagsskap ég er. Ég get ekki að því gert samt sem áður að ég undrast stórlega þau drög og þær upplýsingar sem fram hafa komið varðandi þá endurkoðun á lögum um fasteignasala sem nú er verið að vinna að þar sem augljóslega er verið að víkka út hverjir það eru sem geta starfað í faginu frekar en þrengja það.
Eins og ég hef margoft rætt þá tel ég það ótækt að einn löggiltur fasteignasali geti haft á sínum snærum allt að 20 -30 ófaglærða sölumenn/ráðgjafa eða hvað þeir kalla sig og borið einn ábyrgð á þeim öllum en það er svo allt önnur ella.
Burt með skylduaðild að Félagi Fasteignasala og þetta ósanngjarna eftirlitsgjald út í hafsauga strax, þetta er ekkert annað en eitt skattabullið til viðbótar en maður spyr sig.

Íhuga tímabundið afnám eftirlitsgjalds