Hverjum er um að kenna ? Er von að maður spyrji sig.

Engir peningar virðast til hvorki í bankakerfinu né ríkinu til að reyna að starta atvinnulífinu í gang á ný, byggingarmarkaðurinn er botnfrosinn, fasteignasala hefur væntanlega ekki verið minni í 20 ár, verslunarrekstur er víða að stöðvast. Jú líklega kunna flestir að segja að við getum sjálfum okkur kennt og við höfum verið á neyslu og fjárfestingafylleríi í mörg ár og ég get alveg samþykkt það með neysluna og einhverjir fóru á fjárfestingarflipp líka en var okkur ekki sagt að við byggjum í ríkasta landi í heimi með mestu fjármálasnillingum í heimi sem gátu nánast keypt upp heilu löndin án þess að við eða nokkur sem ÁTTI AÐ VITA betur reyndu að stoppa eða vara við þessu. Sjálfur forseti vor gekk á undan og opnaði hvert bankaútibúið af fætur öðru, forsætisráðherrar og aðrir ráðherrar landsins kölluðu þá(sem gerðu athugasemdir á hvernig þetta væri í raun í pottinn búið) öfundarmenn sem ættu að fara í endurmenntun, hér væri hreint ekkert að og allt í blóma. Þetta fólk er enn flest hvert að leita að okkar stuðningi í komandi kosningum. Ég verð hissa ef þetta sama fólk nær ekki kjöri, við erum fljót að gleyma og ætli það nái ekki að hvítþvo sig af þessu á næstu vikum. En eftir höfðinu dansa limirnir og ef þetta fólk axlar ekki sína ábyrgð þá er nokkuð ljóst að við gerum það ekki EN VIÐ HÖFUM ÖRUGGLEGA EKKERT VAL. Öllum skuldbindingum verður troðið ofan í kokið á okkur hvort sem manni líkar betur eða verr. Er von að maður spyrji sig .

Fjöldi atvinnulausra nálgast 15 þúsund

Athugasemdir

[Sigurbjörg, 12.2.2009 kl. 18:46]

Á íslenska þjóðin ekki heimsmet í gleymsku eins og öðru?  Þannig að það yrði enginn hissa þó við kjósum nákvæmlega það sama og við gerðum síðast.  Enda treysta pólitíkusarnir á það