Ég er líka frekar ósáttur við matinn hér heima !!

Ég hef verið að hugsa um það síðustu daga eftir að ég varð húsmóðir á mínu heimili aftur hvort að ekki væri rétt að "kallinn" skellti sér á matreiðlsunámskeið?? Ekki þar fyrir að mér finnst maturinn sem ég reyði fram alveg hreint þokkalegur en þó er alltaf eitthvað sem vantar og fjölskyldan er svo sem ekkert að deyja úr hrifningu, um daginn eldaði ég tildæmis alveg hreint frábært svínakjöt í sósu með fullt af grænmeti en frúin fullyrti að þetta hafi bragðast eins og sæmilegasta kjötsúpa. Ég veit að þetta var ekkert sérstakt og jú þegar betur er að góð þá er þetta líklega rétt hjá mér. Ég var að spá í að fara í hungurverkfall en þar sem mér þykir svona bras yfirleitt ágætismatur þá hætti ég við það, mín heitt elskaða hefur tekið uppá því að elda matinn áður en hún fer í vinnuna þá sleppur þetta. Það er spurning hvort ekki þurfi að Ráða Sigga Hall á Litla Hraun fyrir grey fangana og hann mætti svo sem alveg skjótast við hérna heima með afganga eða skýra út fyrir mér hvernig uppskriftirnar í bókinni sem hann gaf út hér um árið eiga að vera, ég hef viljann og á bókina en útkoman er yfirleitt einhver allt önnur en myndirnar segja til um. Vantar mig kannski þetta fína tötsss maður spyr sig.....

Fangar ósáttir við matinn

Athugasemdir

[Leifur (IP-tala skráð) 5.2.2009 kl. 18:13]

Þá er bara um að gera fyrir þetta fólk að sleppa því að brjóta af sér næst og sleppa þannig við þennan "vonda" mat...

[Þórarinn M Friðgeirsson, 5.2.2009 kl. 18:26]

Það er rétt og ágætis regla Leifur

[Magnús Geir Guðmundsson, 5.2.2009 kl. 22:46]

Mamma hans Fúsa rússsajeppa var nú þarna fyrr í vetur eða sl. sumar að reyna að kenna þeim sjálfum að redda sér, hún nú skólastýra húsmæðraskólans minnir mig, en ætli þeir séu þá ekki bara allir farnir, nýjir og betri menn, sem fengu leiðsögn hjá þeirri kjarnakvinnu!?

[Ingibjörg Hinriksdóttir, 5.2.2009 kl. 23:24]

Þórarinn, skelltu þér á námskeið félagi, fín námskeið í Kvöldskóla Kópavogs sérstaklega ætluð körlum.