Jóladagatal Tótans dagur tíu. Kæri Björn.

Nú toppaðirðu allt sem þið hafið gert hingað til: Öskrandi Mótmælandi . Ertu alveg bandsjóðandi vitlaus. Hvernig haldið þið að ástandið á heimilinu sé orðið. Öskrandi mótmælandinn ruddist inná baðherbergið og byrjaði strax að mótmæla eineygðu Esb aðildinni og Kengbognu kreppunni sem nú gráta hástöfum og nú er ekki orðið líft í allri blokkinni fyrir hávaða. Nágrannarnir sem eru sem betur fer allt útlendingar sem skilja ekki neitt í þessu eru búnir að setja okkur stólinn fyrir dyrnar þannig að við komumst ekki einu sinni út. Sem betur fer er Oddman ofurhetja hérna hjá okkur því það kom í ljós að þetta var ekki að hluta til nema draumur hjá mér í gær og Oddman ofurhetja sem var búinn að vara við þessu öllu kann sko að taka á þessum Öskrandi mótmælanda . Aumingja mamma og sjóðheita gengishækkunin skilja ekkert í þessum skrílslátum og eru búnar að loka sig inní eldhúsi og neita að koma fram fyrr en Oddman ofurhetja er búinn að koma þessum Öskrandi mótmælanda úr húsi. Aumingja Icesavereikningurinn skilur sem betur fer takmarkaða Íslensku og veit því ekkert hvað Öskrandi mótmælandinn er að tala um, kosningar,lýðræði, burt með ykkur og valdið til fólksins er eitthvað sem er ekki til í hans orðaforða enþá. Ég segi það við þig nú máttu senda til mín argandi óeirðalögguna þína til að hreinsa út úr kofanum. Þinn Tótinn

Athugasemdir

[Gústi (IP-tala skráð) 11.12.2008 kl. 13:31]

HAHAHAHAHAHAHAHA!! Gargandi snilld þetta jóladagatal hjá þér

[Þórarinn M Friðgeirsson, 11.12.2008 kl. 15:02]

Takk fyrir það ég er að skrifa mig frá ruglinu í anda Ladda...... en þar sem fyrsti jólasveinninn kemur í nótt og ég fer að fá eitthvað alvöru í skóinn þá verður síðasta færslan (væntanlega)í bili allavegna á morgun nema eitthvað gerist sem þarf nauðsynlega að skýra frá.