Hvað á að kjósa skárra ???

Miðað við framboðið á stjórnmálamönnum síðustu árin þá sé ég ekki að það að boða til kosninga leysi nokkurn skapaðan hlut. Ekki er að sjá að þeir hinir sem eru á alþingi hafi mikið og merkilegt fram að færa í stöðunni. Nei látum þau sitja sveitt yfir vandanum væntanlega sk.... (afsakið orðbragðið)þau endanlega uppá bak og þá fyrst er hægt að kjósa aftur. En hræddur er ég um að þeir sem hæst hafa í dag verði ekki hótinu betri komist þeir til valda. Miðað við hve stór orð voru höfð uppi af sumum stjórnmálamönnum fyrir síðustu kosningar og efndirnar eftir að þeir komust til valda held ég að það sé sama hver sest þarna inn það skara flestir eld að eigin köku komist þeir að ofninum. Mín tillaga er að það eigi að fækka alþingismönnum í ca 30 og láta þá svo vinna fyrir kaupinu sínu, ráða óháðan framkvæmdarstjóra/forstjóra yfir Íslandi (við erum smáfyrirtæki á alþjóðlegan mælikvarða) sem stjórnar þessu almennilega og ræður og rekur þá sem ekki standa sig í stjórnkerfinu ÖLLU.

maður spyr sig.

Totinn

Kosningar ekki tímabærar

Athugasemdir

[Johann Trast Palmason, 21.11.2008 kl. 11:47]

Kjósa einstaklinga í þjóðstjórn þar til boðað verði til kosninga og flokkarnir geta endurskipulagt sig fyrir þann tima með nýu line uppi.

[Þórarinn M. Friðgeirsson (IP-tala skráð) 21.11.2008 kl. 12:24]

Jú ein hugmynd en ég held að réttast væri að leyfa þeim að glíma við þetta eitthvað áfram en mér sýnist á fréttum að Samfylkingin sé ekki einhuga í því að halda þessu áfram en það er spurning hve sterk tök Ingibjörg hefur á sínu fólki ?????

[j.a. (IP-tala skráð) 21.11.2008 kl. 12:30]

Ef ekkert er skárra til af einstaklingum á Islandi en þessi lýður sem situr á alþingi og segist stjórna landi o.þ.m. fjármálum, þá er fokið í flest skjól fyrir landi og lýð.  Málið er það að íslendingar nenna ekki að hugsa,  og því síður gera neitt.  Afhverju?  Jú þessi kynslóð eru aumingjar, hafa alltaf setið á skólabekk fram undir þrítugt og eru kallaðir "háskólaborgarar"  þetta fólk telur sig geta leyst allt með útreikningum, og á teikniborðinu. En þegar fer að harðna á dalnum og hendur þurfa að standa fram úr ermum,  nei þá gerist ekkert, ekkert . Vaknið þið "heilasmáu"  vesalingar og mótmælið á hverjum degi.  T.d. í hádeginu ekki bara á laugardögum þegar þingið er í helgarfríi.  Ef það dugar ekki? Ja,  þá verður að gera eitthvað róttækara.

[Þórarinn M. Friðgeirsson (IP-tala skráð) 21.11.2008 kl. 12:35]

Jú takk fyrir mótmæli hverju hafa þau skilað hingað til, fjölmiðlar segja mótmælendur skríl, Geir segir rétt allra til að mótmæla en því miður hverju skilar eggjakast og bónusfáninn veit það ekki kannski er ég bara einn af þessum "heilasmáu vesalingum" jú líklega rétt hjá þér