Já ég sagði það um daginn og segi það bara aftur !!!

Ég verð að segja að mér hugnast ekki alveg þessi tala ! Ég nenni ekki að setja það niður fyrir mig hvað þetta gerir á mína fjölskyldu en væntanlega er það talsvert meira en ég treysti mér til að borga og því ætla ég að lýsa því yfir að ég get ekki og mun ekki geta tekið minn hluta af þessari skuld og vænti ég þess að ég muni ekki fá reikning fyrir þessu á næstunni enda tel ég mig ekki hafa samþykkt þetta. Hingað til hefur verið talið að til að geta skuldsett einhvern þá þurfi samþykki hans fyrir skuldinni. Ég geri mér grein fyrir að þeir sem ráða eru til þess kosnir af þjóðinni(meirihluta hennar í þessu tilfelli) en þetta er of mikið þannig að ég lýsi því hér með yfir að ég tel mig óbundinn af þessari skuld. ´

Ef reikningar Icesave duga fyrir skuldinni þá mega þeir klára þetta fyrir mér en ég hef enga trú á því en maður spyr sig !!!

Icesave skuldin 640 milljarðar

Athugasemdir

[Urf (IP-tala skráð) 14.11.2008 kl. 15:05]

Við vorum svosem heldur ekki spurð um það hvort við vildum eignast 3 banka án þess að greiða fyrir þá kaupverð.

Þetta er sú niðurstaða sem íslensk stjórnvöld lögðu af stað með í upphafi og nú hefur kröfum Breta og Hollendinga um fullar ábyrgðir verið hafnað.

http://www.malefnin.com/ib/index.php?showtopic=110950

[Bjarni Hafsteinsson (IP-tala skráð) 14.11.2008 kl. 17:38]

Sæll

Það sem þú segir hér eru grunvallaratriði.  Ég spái því að hér séu

að gerast atburðir sem eigi eftir að vekja athygli á heimsvísu. Fólk er ekki ennþá að átta sig á því hvað er um að ræða sem hér er verið að semja (stilla okkur upp við vegg) um.

Samkvæmt þessu er Íslenska ríkið að skrifa upp á skuldaviðurkenningu upp á 640 miljarða. Hvernig fær ríkið tekjur til að geta staðið undir sínum skuldbindingum almennt? Jú með skattlagningu á tekjur einstaklinga. Sem sagt, þessi skuld er okkar almennings að greiða.

Landsbankinn sem bar ábyrgð á Icesave innlánsreikningum var einkafyrirtæki sem starfaði ekki í umboði ríkisins, hvaðþáheldur í umboði almennings á Íslandi. (Annað mál er að bankinn eins og sum ar aðrar fjámálastofnafnir var rekinn af þröngum hópi elítu sem gat fengið stórar upphæðir af lánsfé á lágum vöxtum og fært inná markaði er ríktu háir vextir, hirt vaxtamuninn og leikið milljarðamæringa).

Og hvað með þessar eignir sem sagt er að Landsbankinn eigi og geta komið á móti skuldum? Fullkomin óvissa ríkir um hvers virði þessar eignir eru og hverjar heimtur af þeim verða í framtíðinni. Bent hefur verið á allt eins sé líklegt að eingnirnar muni reynast lítils virði er á reynist. Að auki er ekki ólíklegt að það sé hvorki auðvelt né hreinlegt verk að halda lífi í eignum Landsbankans og hámarka virði þeirra.

Samt sem áður mun væntanlegt samkomulag um skuldarviðurkenningu ríkisins fela í sér að skuldin 640 Mi verði eign skattgreiðanda og það verði að koma í ljós hvað þrotabú Lansbankans mun geta gefið af sér.

Ljóst er að þær tölur sem hér eru á ferðinni eru allar úr takti við stærð og getu Íslenska hagkerfisins. Tala af stærðinni 600 Mi er skattpíning á þegna Íslands líklega marga áratugi fram í tímann, og jafnvel þó að eitthvað skili sér af eignum Landsbankans. 

Það sem hér er á ferðinni snýst um mannréttindi. Ríkisstjórn Íslands hefur ekkert umboð til að skella þessari skuld á almennig og einhverja von um eignir Lansdbankans til hugsanlegrar tryggingar. Þessi banki starfaði ekki í nafni almennigs og er ekki á ábyrgð hans.   

Lokaniðurstaða: Ríkisstjórn Íslands hefur ekkert umboð almennings til að samþykkja þessa skuldarviðurkenningu.

Ég vil sjá að það verði stofnuð hreyfing fólks hér á Islandi sem mun neita að borga skuldir sem það ber enga ábyrgð á.