Ísland úr Nato - Herinn burt ?

Nú er allavega annað af þessu tvennu komið fram þ.e. herinn er farinn en nú held ég að það væri lag að við myndum segja okkur úr þessu Nató sambandi. Lítum á staðreyndir. Við erum aðili að ESB í gegn um EES samninginn og nú á að þvinga okkur til að taka einhverjum afarkostum til að taka á okkur allar skuldbindingar bankanna gagnvart Bretum/Hollendingum/Belgum og nú síðast Þjóðverjum annars getum við étið það sem úti frís sem er hvort eð er það næsta sem við þurfum að gera. Því ekki að snúa þessu við og segja okkur úr öllum þessum samböndum hverju nafni sem það nefnist og taka upp okkar eigin siði og snúa okkur til Kínverja og Rússa, við gætum jafnvel boðið þeim í starfskynningu á Keflavíkurflugvöll og látið verulega bera á því gagnvart þessum svokölluðu vinum okkar í Evrópu ? Ætli það myndi ekki fara um þessa herra sem eru að setja sig á háan hest gagnvart okkur ef þeir sæju að okkur sé alvara með þessu þegar hver sendinefndin á fætur annarri frá Rússum, Kínverjum og jafnvel norður Kóreumönnum sæist hér á landi á fundum við "svokallaða" ráðamenn þjóðarinnar.  Rekum svo alla sendiherra úr landi, lokum og þjóðnýtum sendiherrabústaðina, bílana þeirra. Ég sé alveg fyrir mér að Bandaríkjamenn myndu ekki taka þessu þegjandi og hljóðalaust sem útvörður lýðræðis í heiminum, jafnvel mætti búast við að þeir myndu innlima okkur sem 53 ríkið í sambandi hinna útvöldu og þá værum við komin með nýja mynt, nýja herra og NÝJA STJÓRN, Barack Obama væri þar með fyrsti blökkumaðurinn til að gegna embætti forseta Íslands (ef hann fær að lifa svo lengi að hann geti tekið við) Kannski er þetta það sem koma skal ?

Maður spyr sig ?

Tótinn