Veljum Íslenskt !!

Í tilefni umræðunnar þá held ég að það verði að virkja Íslendinginn í okkur öllum og hér eftir verðum við að kappkosta að velja Íslenskt eins og hægt er. Með því erum við að styðja innlenda framleiðendur og minnka innflutning á ónauðsynlegri vöru. Ég kíkti í sjoppuna við hliðina á vinnunni hjá mér og eigandinn þar sýndi mér að hún hefur fært allar innlendu vörurnar framar í hillurnar hjá sér þannig að þær verði sýnilegri og því líklegri til að seljast. Ég geri mér grein fyrir að ekki er mögulegt í öllum tilfellum að fara þessa leið en það þarf ekki mikla snilligáfu til að sjá að með því að sem flestir hugsi á þessa veruna munum við smátt og smátt minnka þennan geigvænlega viðskiptahalla sem verið hefur síðustu misserin.  Ég hvet því sem flesta til að hugsa sig um þegar farið er í búðina næst og mjög líklega er til innlend vara svipuð eða sambærileg þeirri sem þið eruð komin með í hendurnar, hugsanlega er hún eilítið dýrari og þá kemur upp spurning hvort ekki þurfi að endurskoða tollalögin og eða hreinlega lækka virðisaukaskattinn á innlendu vörunni ??

Maður spyr sig.

Tótinn