Nóg komið af neikvæðum fréttum- hættum þessum barlóm strax.

Jæja kreppa, lausafjárþurrð, skortstaða, viðskiptahalli, verðbólga, gjaldþrot, atvinnuleysi, uppsagnir,nauðasamningar,hlutabréfahrun, eimskip,xl, flgroup,morgan stanley og lehman brothers. Þetta dynur á okkur í hverjum fréttatímanum á eftir öðrum og ég er klár á því að 90 % landsmanna eru farnir að hugsa eins og ég og eru orðnir dauðþreyttir á þessum fréttaflutningi. Hvernig sagði í gömlu sögunni, ef þú hrópar aftur og aftur úlfur úlfur þótt enginn sé úlfurinn þá hætta menn að taka mark á þér nema hér er því öfugt farið það er verið að murrka sjálfstraustið úr þjóðinni svo popullinn sé ekkert að gera kröfur um hærri laun, betri bíla, eldra viský og meiri pening. Við eigum bara að þegja og þakka fyrir að hafa vinnu yfir höfuð, 15 % verðbólga er okkur að kenna, hrun á hlutabréfamörkuðum er líka okkur að kenna auk þess sem við höfum að sjálfsögðu stýrt gengisfalli krónunnar þannig að þetta er að sjálfsögðu allt okkur að kenna og hinir háu herrar sem hafa gefið frá sér bankana til misviturra snillinga hafa ekkert með þetta að segja og einu úrræðin sem þeir hafa fyrir utan það að viðurkenna ekki einu sinni að hér sé ekki allt í lagi er að við verðum að herða sultarólina. Ég bið því fréttastofur landsins að taka ekki þátt í þessum leik sem verið er að leika til að klekkja á okkur vesalingunum. Afhverju má ekki vera með fleiri jákvæðar fréttir það hlýtur að vera hægt að  segja jákvæðar fréttir og þá líður öllum betur bæði þeim sem lesa fréttirnar og okkur hinum. Þrátt fyrir allt þá liggur það fyrir að við höfum það bara hreint ágætt (flest hver)Flestir hafa nóg að bíta og brenna, öll börn eiga rétt á skólagöngu, flestir geta ennþá greitt skuldirnar sínar, heilbrigðiskerfið er eitt það besta í heimi(er okkur sagt allavegna) við glímum ekki við svartadauða, stórubólu, berkla,malaríu eða nokkra aðra stórvægilega sjúkdóma. Að vísu glímum við við misvitra stjórnendur í víðasta skilningi þess orðs en látum þá ekki draga okkur í svaðið. Ísland er örugglega stórasta og bestasta land í heimi

Óver and out. Tótinn  

Athugasemdir

[Jón Birgir Valsson, 19.9.2008 kl. 16:58]

Heyr heyr!!!