Liverpool-united

Nú er fyrsti "stórleikur" vetrarins í uppsiglingu og ég bíð spenntur eftir því að sjá hvort mínir menn (Liverpool) hafi eitthvað að segja í gott lið United. Verð að segja að ég er hræddur um að þetta verði erfitt þar sem að síðustu árin hefur United haft gott tak á Liverpool og ég óttast að svo gæti orðið áfram en með nýjum degi kemur alltaf ný von. Það má lengi telja upp stórkostlega sigra okkar á fyrri tímum, sigursælasta lið Englands frá upphafi, fimmfaldir evrópumeistarar og þar fram eftir götunum en það telur ekkert á morgun ekki hætishót. Nú þarf Benni að grafa djúpt í reynslubrunn sinn til að finna "gredduna" í sínum mönnum þannig að þeir komi ekki eins og hrædd lömb á leið til slátrunar út á völlinn. Það finnst mér einmitt hafa verið einkennið á mínum mönnum undanfarin ár þegar kemur að því að spila við hin svokölluðu "stóru lið" það skortir eitthvað á þennan gamla góða Liverpool anda en ég leyfi mér að trúa því að nú sé komið að tímamótum og við leggjum United á morgun.  Ég veit ekki hvort ég geti mætt í vinnu á mánudaginn verði úrslitin ekki hagstæð þar sem ég er svo einstaklega óheppinn að vinna einn með 5 gallhörðum united mönnum og það verður sko engin "miskunn hjá Magnúsi" ef við töpum þeim leik. ÁFRAM LIVERPOOOOOOOOOOOOOOOOOOOLLLLLLLLLLL:.

Tótinn