Ólympíuleikarnir og Viagra.

Ég var að lesa ansi hreint skondna grein á mbl.is um íþróttamenn sem taka VIAGRA og hláturgas til að auka upptöku súrefnis í blóðinu. Alveg er stórkostlegt að sjá hvað mönnum dettur í hug til að bæta árangur sinn í íþróttum alveg óháð því hvernig slíkt fer með líkamann enda er það væntanlega seinni tíma vandamál. Einnig eru menn farnir að láta tattóvera lyfin í sig ???? Er þetta hægt ? nú drífur maður sig á næstu tattústofu og biður um að fá drekatattú með morfíni eða jingjang með amfetamíni, tekur svo inn tvær VIAGRA og fær eina grímu af hláturgasi og drífur sig svo í ræktina ekki spurning.  Nú verður væntanlega spurning um það hver (af karlmönnunum)er með þann "stærsta" því eftir tvær Viagra verður spjótið væntanlega beint útí loftið og því er sá stærsti fyrstur yfir línuna og væntanlega verður viðkomandi skellihlæjandi. Ég bendi konum þessa lands því á að horfa með mikilli áfergju á keppni í hlaupum karla því það gæti orðið þeim mikið ánægjuefni. Ég á von á því að þetta verði brosmestu leikar frá upphafi og er ekki alltaf sagt að hlátur lengi lífið og því ætti hláturinn að vega upp á móti hinum ósómanum sem tekinn er inn.

Já maður spyr sig

Tótinn