Bylgjan. Gróf misnotkun á aðstöðu sinni eða hvað ?

Mér brá mikið sunnudagsmorguninn síðasta þegar ég stillti á Bylgjuna. Ástæðan fyrir því að ég stillti á þennan þátt var að þar átti að fjalla um fasteignamarkaðinn sem ég tengist aðeins og búið var að auglýsa þennan þátt mikið og ég var ansi spenntur að heyra hvaða sýn "leikmenn" jafnt sem lærðir hefðu á núverandi ástandi. Ég hélt að þarna væri tækifæri til að yfirfara ástæður þess að markaðurinn er ekki eins líflegur eins og áður var, jú það voru margir áhugaverðir viðmælendur sem mikið vit virtust hafa á ástæðum og hafa ráð til að bregðast við. Mestur tími þáttarins fór hins vegar í að róma ágæti sölumanns eins á fasteignasölu hér í bæ og eins að auglýsa opið hús á eign þáttarstjórnandans sem eins og fyrir einstaka tilviljun var auglýst í opnu húsi hjá þessum sama sölumanni sem ég þekki reyndar hvorki haus né sporð á og er örugglega hinn vænsti drengur og duglegur eftir því. Lýsti þáttarstjórnandinn yfir m.a að ekki væri nokkurt vit í að halda opið hús án þess að hafa sölumanninn á staðnum og þá helst einan, ég bendi á að upplýsingaskylda seljandans við sölu er mjög rík eins og fram kom í ágætu viðtali við einn viðmælandann í fyrsta hluta þáttarins á sunnudaginn. Mér hefði fundist að fyrst að aðalástæður þáttarins hvort eð er hafi verið að auglýsa upp eitt ákveðið fyrirtæki (sem ég hef ekkert út á að setja á nokkurn hátt ) og eign þáttarstjórnandans þá hefði það átt að koma fram í auglýsingum bylgjunnar. Ég hlýt að vænta þess að þessi sami stjórnandi bjóði öðrum fasteignasölum uppá að koma með ókeypis auglýsingar til hennar í næstu þætti . 
Félag fasteignasala sendi út tilkynningu til okkar sem löggildingu hafa til að selja fasteignir þar sem við vorum hvött til að hlusta á þáttinn og fékk félagið þessa beiðni frá þáttarstjórnandanum ég hefði kosið að félagið hefði ekki tekið þátt í að auglýsa þetta til félagsmanna sinna en líklega ekki vitað hvað átti eftir að koma í þessum annars ágæta þætti. 
 Ég vil taka það skýrt fram að ég hef hingað til hlustað þó nokkuð á viðkomandi þátt og kunnað ágætlega við það sem þar hefur farið fram sem hingað til hefur byggst á góðum viðtölum við áhugavert fólk og án þess að dulbúnar auglýsingar komi jafn augljóslega fram eins og raun bar vitni í þessum þætti. 

Þetta er birt í mínu nafni og á mína ábyrgð

Þórarinn M. Friðgeirsson   

Athugasemdir

[Lambasparðalordinn (IP-tala skráð) 5.5.2008 kl. 20:48]

Ja sko Tóti minn, nú er ekkert annað að gera en að hætta að hlusta á þáttinn og herða sig í húsmóðurhlutverkinu. Eða ertu farinn að búa með Betty??

[Halldór (IP-tala skráð) 5.5.2008 kl. 20:49]

Já brá þér ? Ég er ekki hissa því mér brá allsvakallega. Ég bý erlendis og hlusta nánast alltaf á laugardags og sunnudagsmorgna á Bylgjuna og hef haft virkilega gaman af. En síðasti þáttur Valdísar keyrði alveg um þverbak. Var samt alveg ágætis þáttur svona framan af en svo þegar klikt var út með þessa fasteignaauglýsingu á húsi Valdísar var mér alveg nóg boðið. Fasteignasalinn, Vala Matt og Valdís say no more. En þetta sem sagt gerir það að verkum að ég nenni ekki oftar að hlusta á þetta raus aftur í henni og stilli næsta sunnudag kannski bara á rás 2 í staðin. Mér líkar ekki svona misnotkun. Eins og markaðurinn er í dag þá átti hreinlega að tjalda öllu sem til var nema það vantaði kannski Heiðar snyrtir þá hefði þetta verið fullkomið hjá henni. Annars eru Simmi og Jói andsk.. góðir á laugardagsmorgnum.